13/01/2022 10:33 GMT+7 Email Print Like 0

ຂະ​ແໜງ​ພາຍ​ໃນ​ມີ​ພາ​ລະ​ບົດ​ບາດ​ສຳ​ຄັນທີ່​ສຸດ​ໃນການ​ສ້າງ​ພື້ນຖານ​ບໍ​ລິ​ຫານ​ຮັບ​ໃຊ້

ວັນທີ 12ມັງກອນ, ຢູ່ ຮ່າໂນຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມ ແລະ ຊີ້ນຳກອງປະຊຸມຜັນຂະຫຍາຍໜ້າທີ່ວຽກງານ ປີ 2022 ຂອງຂະແໜງພາຍໃນເຊິ່ງ, ໄດ້ຈັດຂື້ນຕາມຮູບແບບທາງໄກ ໂດຍມີການເຊື່ອມຕໍ່ກັບ 63 ແຂວງ, ນະຄອນ.
ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ

ຢູ່ທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຊີ້ໃຫ້ເຫັນວ່າ, ຂະແໜງພາຍໃນມີບົດບາດສຳຄັນທີ່ສຸດໃນການເປັນເສນາທິການໃຫ້ພັກ, ລັດ, ລັດຖະບານ, ນາຍົກລັດຖະມົນຕີ, ຄະນະພັກ ແລະ ອຳນາດການປົກຄອງທ້ອງຖິ່ນທຸກຂັ້ນ ສ້າງພື້ນຖານບໍລິຫານຮັບໃຊ້, ເປັນມືອາຊີບ, ທັນສະໄໝ, ມີປະສິດທິພາບ ແລະ ປະສິດທິຜົນ; ປະກອບສ່ວນສ້າງລັດຖະບານປ່ຽນແປງໃໝ່. ສັດຊື່ບໍລິສຸດ, ມີລະບຽບວິໄນ, ມີການກະທຳ, ມີປະສິດທິຜົນ, ເພື່ອຮັບໃຊ້ປະຊາຊົນ. ກ່ຽວກັບໜ້າທີ່ວຽກງານຂອງ ປີ 2022 ແລະ ໄລຍະທີ່ຈະມາເຖິງ ນາຍົກລັດຖະມົນຕີ ເນັ້ນໜັກວ່າ:

ພາລະບາດບາດ, ໜ້າທີ່, ຂອງກະຊວງພາຍໃນ ແມ່ນມີຄວາມສຳຄັນຍີ່ງ, ເມື່ອແຕະຕ້ອງເຖິງກົງຈັກ, ແຕະຕ້ອງເຖິງມະນຸດແມ່ນຫຍຸ້ງຍາກທີ່ສຸດ. ສະນັ້ນພ້ວກເຮົາຕ້ອງມີມາດຕະຖານ, ຂັ້ນຕອນບົນພື້ນຖານນັ້ນແມ່ນປະຕິບັດໃຫ້ຖືກຕ້ອງຕາມກົດໝາຍ, ເສີມຂະຫຍາຍປະຊາທິປະໄປທາງດ້ານສະຕິປັນຍາລວມໝູ່ໃຫ້ໄດ້ຢ່າງສຸດຂີດ ແລະ ຮັບຟັງຄຳຄິດເຫັນເພື່ອກ້າວໄປສູ່ຄວາມເປັນເອກະພາບຕາມຫລັກການລວມສຸນປະຊາທິປະໄຕ

ພ້ອມກັນນັ້ນ, ທ່ານນາຍົກລັດຖະມົນຕີຮຽກຮ້ອງໃຫ້ຂະແໜງພາຍໃນ ແລະ ກະຊວງພາຍໃນ ສືບຕໍ່ປະກອບສ່ວນຢ່າງຕັ້ງໜ້າເຂົ້າໃນວຽກງານກໍ່ສ້າງ ແລະ ປັບປຸງລະບອບລະບຽບການໃຫ້ສົມບູນແບບເພື່ອແກ້ໄຂຮົ້ວກີດຂວາງ, ເລີ່ມຕົ້ນພັດທະນາ, ໃນນັ້ນສຸມໃສ່ສ້າງລະບອບລະບຽບການຄຸ້ມຄອງລັດ. ນາຍົກລັດຖະມົນຕີ ຮຽກຮ້ອງໃຫ້ຂະແໜງພາຍໃນ ແລະ ບັນດາຂະແໜງ, ທ້ອງຖິ່ນສືບຕໍ່ມີນະໂຍບາຍຮັບສະມັກ, ດືງດຸດຜູ້ມີຄວາມເກັ່ງກ້າສາມາດ, ສ້າງກົງຈັກຂອງບັນດາກະຊວງຂະແໜງການໃຫ້ກະທັດຫັດຢ່າງແທ້ຈິງ,ມີປະສິດທິພາບ ແລະ ປະສິດທິຜົນ; ສືບຕໍ່ປະຕິຮູບດ້ານບໍລິຫານ.

(ແຫຼ່ງຄັດຈາກ VOV)