17/12/2019 09:48 GMT+7 Email Print Like 0

ກົມ​ໃຫຍ່​ການ​ເມືອງ ກອງທັບ​ປະຊາຊົນ​ຫວຽດນາມ ສະ​ເຫຼີມສະຫຼອງວັນ​ມູນ​ເຊື້​​ອຄົບຮອບ 75 ປີ

ຕອນເຊົ້າ 16 ທັນວາ, ຢູ່ຮ່າໂນ້ຍ, ກົມໃຫຍ່ການເມືອງ, ກອງທັບປະຊາຊົນຫວຽດນາມ ໄດ້ຈັດຕັ້ງພິທີສະເຫຼີມສະຫຼອງວັນມູນເຊື້ອຄົບຮອບ 75 ປີ ແລະ ມອບ-ຮັບຫຼຽນໄຊປົກປັກສາປະເທດຊາດ ຊັ້ນ 1. ທ່ານ ຫງວຽນຝຸຈ້ອງ ເລຂາທິການໃຫຍ່, ປະທານປະເທດຫວຽດນາມ, ເລຂາຄະນະພັກການທະຫານສູນກາງ ໄດ້ສົ່ງກະເຊົ້າດອກໄມ້ມາອວຍພອນ.

ທ່ານ ເຈິ່ນກວ໊ກເວື້ອງ, ຜູ້ປະຈໍາການຄະນະເລຂາສູນກາງພັກກອມມູນິດຫວຽດນາມ ປະດັບຫຼຽນໄຊປົກປັກຮັກສາປະເທດຊາດຊັ້ນ 1 ໃສ່ທຸງມູນເຊື້ອຂອງກົມໃຫຍ່ການເມືອງກອງທັບປະຊາຊົນຫວຽດນາມ (ພາບ: TTXVN)

ພາຍໃຕ້ຊີ້ນໍານໍາພາຂອງພັກ ແລະ ປະທານໂຮ່ຈີມິນໃນຕະຫຼອດໄລຍະ 75 ປີຜ່ານມາ, ກົມໃຫຍ່ການເມືອງ ກອງທັບປະຊາຊົນຫວຽດນາມ ຍາມໃດກໍໃກ້ຊິດຕິດແທດກັບແນວທາງການປະຕິວັດ, ໜ້າທີ່ກໍ່ສ້າງກອງທັບ, ຕັ້ງໜ້າ, ເປັນເຈົ້າການໃນການເປັນເສນາທິການໃຫ້ແກ່ພັກ, ລັດ ກ່ຽວກັບບັນດາແຜນນະໂຍບາຍ, ມາດຕະການກໍ່ສ້າງກອງທັບໃຫ້ໝັ້ນຄົງເຂັ້ມແຂງດ້ານການເມືອງ, ຈົ່ງຮັກພັກດີຕໍ່ພັກ, ຕໍ່ປະເທດຊາດ ແລະ ປະຊາຊົນ. ກ່າວຄໍາເຫັນທີ່ພິທີສະເຫຼີມສະຫຼອງ, ທ່ານ ເຈິ່ນກວ໊ກເວື້ອງ, ຜູ້ປະຈໍາການຄະນະເລຂາສູນກາງພັກກອມມູນິດຫວຽດນາມ ເນັ້ນໜັກວ່າ:

        “ຄວນເອົາໃຈໃສ່ຍົກສູງຄຸນນະພາບການຊີ້ນໍານໍາພາ, ສືບຕໍ່ປ່ຽນແປງໃໝ່ຮູບແບບເນື້ອໃນວຽກງານການສຶກສາດ້ານການເມືອງແນວຄິດໃຫ້ແກ່ທະຫານ. ເຮັດໃຫ້ທະຫານເຫັນໄດ້ຢ່າງຈະແຈ້ງເປົ້າໝາຍຄູ່ຮ່ວມມື, ກົນອຸບາຍ, ເລ່ລ່ຽມມ້າງເພທໍາລາຍຂອງບັນດາກໍາລັງເປັນປໍລະປັກ, ຍູ້ແຮງການຕໍ່ສູ້ປ້ອງກັນ, ຕ້ານບັນດາຖ້ອຍທໍານອງທີ່ຜິດເຂວ, ເປັນປໍລະປັກ, ປ້ອງກັນ, ຕ້ານສະພາບການຜັນແປໂດຍຕົນເອງ, ຜັນປ່ຽນໂດຍຕົນເອງຢູ່ພາຍໃນກອງທັບ. ສືບຕໍ່ແມ່ນກໍາລັງແບບຢ່າງນໍາໜ້າໃນການຕໍ່ສູ້ຕ້ານການປ້ອງກັນ, ຕ້ານຖ້ອຍທໍານອງ, ແນວຄິດທີ່ຜິດເຂວ ປົກປັກຮັກສາພື້ນຖານແນວຄິດຂອງພັກ, ເອົາໃຈໃສ່ເປັນພິເສດເຖິງການຮັກສາຄວາມໝັ້ນຄົງຂອງແນວຮົບທາງດ້ານແນວຄິດຂອງພັກໃນກອງທັບ”.

(ແຫຼ່ງຄັດຈາກ VOV)