ໃນແຈ້ງການທີ່ອອກອາກາດໃນຊ່ອງໂທລະພາບແຫ່ງລັດ, ສະພາແຫ່ງລັດ ກູບາ ໄດ້ປະກາດວ່າ: ປະເທດນີ້ຕັດສິນໃຈໄວ້ທຸກລະດັບຊາດແດ່ທ່ານປະທານປະເທດ ຫວຽດນາມ ເຈິ່ນດ້າຍກວາງ.
ຕາມນັ້ນແລ້ວ, ກູບາ ໄດ້ປະຕິບັດພິທີໄວ້ທຸກທ່ານປະທານປະເທດ ເຈິ່ນດ້າຍກວາງ ແຕ່ເວລາ 6ໂມງ00 ວັນທີ 22 ກັນຍາ (ຕາມເວລາທ້ອງຖິ່ນ) ຮອດ 24 ໂມງ 00 ຂອງວັນທີ 23 ກັນຍາ ແລະ ພິທີໄວ້ທຸກລະດັບຊາດຈະໄດ້ດຳເນີນໃນຕະຫຼອດວັນທີ 24 ກັນຍາ. ໃນເວລາໄວ້ທຸກລະດັບຊາດ, ບັນດາສຳນັກງານອົງການຂອງລັດ ແລະ ຂອງທະຫານໃນທົ່ວປະເທດ ກູບາ ຈະຊັກທຸງລົງເຄິ່ງເສົາ, ບໍ່ຈັດຕັ້ງບັນດາການເຄື່ອນໄຫວລະຫຼິ້ນບັນເທິງຕ່າງໆ.
ຢູ່ປະເທດ ໄທ, ໃນວັນທີ 22 ກັນຍາ, ຫ້ອງວ່າການນາຍົກລັດຖະມົນຕີ ໄທ ໄດ້ອອກໜັງສືທາງການສະເໜີໃຫ້ບັນດາອົງການ, ຄະນະ, ຂະແໜງການຂອງລັດຖະບານໃນທົ່ວປະເທດ ຊັກທຸງລົງເຄິ່ງເສົາໃນເວລາ 3 ວັນ ເພື່ອໄວ້ອາໄລທ່ານປະທານປະເທດ ຫວຽດນາມ ເຈິ່ນດ້າຍກວາງ. ຕາມນັ້ນແລ້ວ, ທ່ານນາຍົກລັດຖະມົນຕີ ໄທ ໄດ້ຊີ້ນຳໃຫ້ບັນດາອົງການ, ຄະນະ, ຂະແໜງການຂອງລັດຖະບານຊັກທຸງລົງເຄິ່ງເສົາແຕ່ ວັນທີ 24 ກັນຍາ ຮອດວັນທີ 26 ກັນຍາ.
(ແຫຼ່ງຄັດຈາກ VOV)
