(ພາບປະກອບ)
ວັນທີ 19/3, ກຸ່ມບໍລິສັດໜູນຊ່ວຍວິສາຫະກິດຂະໜາດກາງ ແລະ ນ້ອຍ (SBC) ຂອງ ສເກົາຫຼີ ໃຫ້ຮູ້ໄດ້ສ້າງການຮ່ວມມືກັບບັນດາປະເທດ ອາຊີ, ເພື່ອແນໃສ່ຊຸກຍູ້ການເຕີບໂຕໃນພາກພື້ນ. SBC ໃຫ້ຮູ້ໄດ້ລົງນາມໃນຂໍ້ຕົກລົງກັບບັນດາຄູ່ຮ່ວມມືຢູ່ ຫວຽດນາມ, ກຳປູເຈຍ ແລະ ອິນເດຍ ເພື່ອແນໃສ່ສົ່ງເສີມການລົງທຶນ ແລະ ສ້າງການພົວພັນດ້ານອຸດສາຫະກຳຢ່າງແໜ້ນແຟ້ນ ເພື່ອປະກອບສ່ວນເຂົ້າໃນການຊຸກຍູ້ການເຕີບໂຕ. ຄະນະຜູ້ແທນ SBC ໂດຍທ່ານ Lim Chae-un, ການນຳກຸ່ມບໍລິສັດດັ່ງກ່າວນຳໜ້າໄດ້ມາຢ້ຽມຢາມ 3 ປະເທດນີ້ເມື່ອສັບປະດາຜ່ານມາ ແລະ ປຶກສາຫາລືວິທີເພີ່ມທະວີການພົວພັນລະຫວ່າງບັນດາກຸ່ມບໍລິສັດຂະໜາດກາງ ແລະ ນ້ອຍ (SME). ຕາມ SBC ແລ້ວ, ບັນດາເຈົ້າໜ້າທີ່ໄດ້ປຶກສາຫາລືເລື່ອງໜູນຊ່ວຍບັນດາບໍລິສັດສ້າງການພົວພັນຄູ່ຮ່ວມມື ແລະ ຊຸກຍູ້ການລົງທຶນ. ເຂົາເຈົ້າກໍ່ມີແຜນການຍົກອອກບັນດາມາດຕະການຜັນຂະຫຍາຍຫຼັງຈາກນັ້ນ ເພື່ອໃຫ້ SME ທ້ອງຖີ່ນສາມາດໄດ້ຊົມໃຊ້ຜົນປະໂຫຍດຈາກບັນດາຂໍ້ຕົກລົງທີ່ບັນລຸໄດ້.
(ແຫຼ່ງຄັດຈາກ VOV)
