ພາບປະກອບ)
ກຸ່ມບໍລິສັດໄຟຟ້າ ຫວຽດນາມ (EVN) ໃຫ້ຮູ້ວ່າ ນັບແຕ່ປີ 2016 ຈະຍູ້ແຮງການພັດທະນາພະລັງງານຜະລິດຄືນໃໝ່, ບໍ່ກໍ່ບັນດາສ້າງໂຮງງານໄຟຟ້າພະລັງຄວາມຮ້ອນຕື່ມອີກ, ເພື່ອແນໃສ່ປະຕິບັດຄຳຊີ້ນຳຂອງນາຍົກລັດຖະມົນຕີກ່ຽວກັບແຜນຮ່າງດັດປັບແຜນການກຳນົດພັດທະນາໄຟຟ້າແຫ່ງຊາດໄລຍະ 2011 – 2020 ພິຈາລະນາຮອດປີ 2030. ຕາມທ່ານ ດິງກວາງຈີ ຮອງຜູ້ອຳນວຍການໃຫຍ່ກຸ່ມບໍລິສັດໄຟຟ້າ ຫວຽດນາມ ແລ້ວ: ຂະແໜງຈະສຸມໃສ່ພັດທະນາພະລັງງານຜະລິດຄືນໃໝ່ລວມມີ: ເຂື່ອນໄຟຟ້ານ້ຳຕົກຂະໜາດນ້ອຍ, ພະລັງງານແສງຕາເວັນ ແລະ ພະລັງແຮງລົມ.“ພວກເຮົາຕ້ອງສົມທົບຫລາຍມາດຕະການ ເພື່ອດຶງດູດແຫຼ່ງທຶນເຂົ້າການພັດທະນາພະລັງງານຜະລິດຄືນໃໝ່. ຢູ່ຫລາຍປະເທດພະລັງງານແສງຕາເວັນຖືກນຳໃຊ້ໃນແຕ່ລະຄອບຄົວແລ້ວ. ໃນໄລຍະຈະມາເຖິງ, EVN ຈະຍູ້ແຮງພະລັງງານຜະລິດຄືນໃໝ່. ພວກຂ້າພະເຈົ້າຈະປະຕິບັດຮູບແບບທີ່ເປັນແບບຢ່າງ, ຫລັງຈາກນັ້ນ ບັນດາຄອບຄົວຈະປະຕິບັດເອງ”.
(ແຫຼ່ງຄັດຈາກ VOV)
