02/03/2021 08:51 GMT+7 Email Print Like 0

ການເຄື່ອນໄຫວວັດທະນະທຳ-ທ່ອງທ່ຽວ ທີ່ມີຫົວເລື່ອງ “ລະດູບານໃໝ່ນ້ອຍ”

      ມີການເຄື່ອນໄຫວກ່ຽວກັບຫົວເລື່ອງທະເລ ໝູ່ເກາະຂອງບ້ານເກີດເມືອງນອນ ຊື່ງໄດ້ວາງສະແດງບັນດາຮູບພາບ, ວັດຖຸພັນ, ຟິມເອກະສານກ່ຽວກັບທະເລ ໝູ່ເກາະ.
ພາບ: qdnd.vn
          ນັບແຕ່ວັນທີ 1 ມີນາ, ຄະນະຄຸ້ມຄອງໝູ່ບ້ານວັດທະນະທຳ-ທ່ອງທ່ຽວບັນດາຊົນເຜົ່າຫວຽດນາມ ໄດ້ຈັດບັນດາການເຄື່ອນໄຫວດ້ວຍຫົວເລື່ອງ “ລະດູບານໃໝ່ນ້ອຍ” ໃນຕະຫຼອດເດືອນມີນາຢູ່ໝູ່ບ້ານວັດທະນະທຳ-ທ່ອງທ່ຽວບັນດາຊົນເຜົ່າຫວຽດນາມ, ເທດສະບານຕາແສງເຊີນໄຕ, ຮ່າໂນ້ຍ.
ການເຄື່ອນໄຫວດັ່ງກ່າວມີການເຂົ້າຮ່ວມຂອງປະຊາຊົນປະມານ 100 ຄົນຂອງ 14 ຊົນເຜົ່າຄື: ໄຕ, ນຸ່ງ, ຢ້າວ, ໄທ, ຂະມຸ….ນອກຈາກນັ້ນກໍ່ມີການເຄື່ອນໄຫວກ່ຽວກັບຫົວເລື່ອງທະເລ ໝູ່ເກາະຂອງບ້ານເກີດເມືອງນອນ ຊື່ງໄດ້ວາງສະແດງບັນດາຮູບພາບ, ວັດຖຸພັນ, ຟິມເອກະສານກ່ຽວກັບທະເລ ໝູ່ເກາະ. ຈຸດພົ້ນເດັ່ນແມ່ນລາຍການສະແດງສິລະປະ “ບົດເພງແຫ່ງຄວາມຮັກຈາກທະເລ”. ນີ້ແມ່ນລາຍການສະແດງສິລະປະສັງລວມ ຊື່ງແມ່ນການປະສົມລະຫວ່າງຈິດໃຈມຸ່ງໄປສູ່ທະເລ ໝູ່ເກາະ ແລະ ຄວາມຮັກຕໍ່ປະເທດຊາດ.
ເຂົ້າຮ່ວມລາຍການ, ແຂກທ່ອງທ່ຽວຍັງໄດ້ພົບປະແລກປ່ຽນດ້ານສິລະປະ, ສະແດງບັນດາປະເພດສິລະປະພື້ນເມືອງທີ່ດີເດັ່ນທີ່ເຕັ່ມໄປດ້ວຍສີສັນຂອງລະດູບານໃໝ່.
 (ແຫຼ່ງຄັດຈາກ VOV)