19/04/2019 10:22 GMT+7 Email Print Like 0

ການສ້າງວັດທະນະທໍາໃນວິສາຫະກິດຫວຽດນາມ ແມ່ນປັດໄຈຕັດສິນຜົນສໍາເລັດ

      ຕອນເຊົ້າວັນທີ 18 ເມສາ, ຢູ່ນະຄອນ ເກິນເທີ, ສະຫະສະມາຄົມພັດທະນາວັດທະນະທໍາວິສາຫະກິດຫວຽດນາມ ໄດ້ຈັດຕັ້ງກອງປະຊຸມຜັນຂະຫຍາຍບັ້ນຂົນຂວາຍ ສ້າງວັດທະນະທໍາໃນວິສາຫະກິດຫວຽດນາມ ໂດຍນາຍົກລັດຖະມົນຕີຫວຽດນາມເປັນຜູ້ປຸກລະດົມ. 
      ທີ່ກອງປະຊຸມ, ຄະນະຈັດຕັ້ງໄດ້ຜັນຂະຫຍາຍບັນດາມະຕິຂອງນາຍົກລັດຖະມົນຕີຫວຽດນາມ ກ່ຽວກັບ ບັ້ນຂົນຂວາຍ “ການສ້າງວັດທະນະທໍາໃນວິສາຫະກິດຫວຽດນາມ”, ພ້ອມທັງສ້າງຕັ້ງຄະນະຈັດຕັ້ງ ແລະ ສ້າງແຜນການ ສົມທົບລະຫວ່າງບັນດາວິສາຫະກິດກັບ ຄະນະຈັດຕັ້ງ.
        ກ່າວຄໍາເຫັນທີ່ກອງປະຊຸມ, ທ່ານ ໂຮ່ແອັງຕວ໊ນ, ຫົວໜ້າຄະນະຈັດຕັ້ງບັ້ນຂົນຂວາຍ ດັ່ງກ່າວ ໃຫ້ຮູ້ວ່າ ບັ້ນຂົນຂວາຍນີ້ ຈະແມ່ນໂອກາດເພື່ອໃຫ້ບັນດາວິສາຫະກິດໃນເຂດທາງທິດຕາເວັນຕົກພາກໃຕ້ ແລກປ່ຽນ, ແບ່ງປັນປະສົບການ ແລະ ວິທີການກໍ່ສ້າງ ແລະ ພັດທະນາວັດທະນະທໍາຂອງວິສາຫະກິດ ຈາກການເຄື່ອນໄຫວພຶດຕິກໍາຕົວຈິງ ເພື່ອພັດທະນາແບບຍືນຍົງ.
 (ແຫຼ່ງຄັດຈາກ VOV)