នារសៀល ថ្ងៃទី១៧ ខែមេសា ឆ្នាំ២០១៨ នៅទីក្រុងហូជីមិញ ក្នុងពិធីទទួឡជួបជាមួយ ប្រធានរដ្ឋសភាអ៊ីរ៉ង់ លោក Ali Ardeshir Larijani លេខាគណៈកម្មាធិការបក្សទី ក្រុងហូជីមិញ លោក Nguyen Thien Nhan បានសង្កត់ធ្ងន់ថា ដំណើរទស្សនកិច្ច នៅវៀតណាមរបស់ លោក Ali Ardeshir Larijani មានសារៈសំខាន់ណាស់ ដែលរួមចំណែកក្នុងការរំលឹកខួបលើកទី ៤៥ នៃការបង្កើតទំនាក់ទំនងការទូត រវាងប្រទេសទាំងពីរ ព្រមទាំង លើកកំពស់ការយល់ដឹង និង ជួយឲ្យបរទេសទាំងពីរស្វែង យល់អំពីសក្តានុភាពនៃ កិច្ចសហប្រតិបត្តិការលើវិស័យជាច្រើន។
រីឯលោក Ali Ardeshir Larijani បានអះអាងថា ទោះបីជាទំហំពាណិជ្ជកម្មរវាងប្រទេសទាំងពីរ បានកើនឡើងគួរឱ្យកត់សម្គាល់ក្នុងរយៈពេលប៉ុន្មានឆ្នាំកន្លងទៅក៏ដោយ ក៏ប្រទេស ទាំងពីរនៅតែមានសក្តានុភាពលើកិច្ចសហប្រតិបត្តិការទៀតផង។ ដូច្នេះ ភាគីទាំងពីរ គប្បីបង្កលក្ខណៈងាយស្រួលក្នុងការផ្លាស់ប្តូរព័ត៌មាននិងជួយឧបត្ថម្ភដល់សហគ្រាសនៃ ប្រទេសទាំងពីរ តភ្ជាប់និងស្វែងយល់គ្នាទៅវិញទៅមក ជាពិសេស ប្រទេសទាំងពីរគួរ តែយកចិត្ត ទុកដាក់លើវិស័យដឹកជញ្ជូនតាមផ្លូវសមុទ្រ និងសាងសង់កំពង់ផែ៕
តាម VOV5 - វិទ្យុសម្លេងវៀតណាម
