អញ្ជើញចូលរួមនិងថ្លែងមតិនៅពិធីនេះ នាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសបានរំលឹកឡើងវិញនូវជ័យជំនះធំៗ របស់កងទ័ពនិងប្រជាជន Lam Dong រួមទាំងសមិទ្ធិផលដែលខេត្ត Lam Dong សម្រេចបានក្នុងសម័យសង្គ្រាមតស៊ូក៏ដូចជាក្រោយការបង្រួបបង្រួមប្រទេសជាតិ។ នាយឧត្តមសេនីយ លោក Phan Van Giang បានស្នើថា៖ “ចាំបាច់ត្រូវចាប់យកឱកាស ប្រើប្រាស់ពេលវេលាឱ្យបានពេញលេញ ដើម្បីទាញយកសក្តានុពលនិងគុណសម្បត្តិទាំងអស់ ហើយបង្កើតលក្ខណៈទម្លុះទម្លាយដ៏រឹងមាំក្នុងយន្តការ គោលនយោបាយ ធនធាននិងហេដ្ឋារចនាសម្ព័ន្ធដឹកជញ្ជូនតភ្ជាប់ជាមួយតំបន់។ ធ្វើកំណែទម្រង់រដ្ឋបាលយ៉ាងសកម្ម អភិវឌ្ឍវិទ្យាសាស្ត្រ និងបច្ចេកវិទ្យា ច្នៃប្រឌិត និងការផ្លាស់ប្តូរឌីជីថល កែលម្អបរិយាកាសវិនិយោគ និងធុរកិច្ច និងលើកកំពស់ការប្រកួតប្រជែងរបស់ខេត្ត។ ទន្ទឹមនឹងនោះ ទាក់ទាញការវិនិយោគប្រកបដោយគុណភាព បង្កើត និងបណ្តុះបណ្តាលក្រុមបុគ្គលិកដែលមានសមត្ថភាពខ្ពស់។ បង្រួបបង្រួម និងយកចិត្តទុកដាក់ជានិច្ចក្នុងការកសាងផែនមហាសាមគ្គីជនជាតិទាំងមូល អនុវត្ត គោលនយោបាយប្រកបដោយប្រសិទ្ធភាព ធានាសន្តិសុខសង្គម និងសុខុមាលភាព ជាពិសេសសម្រាប់អ្នកទទួលផលគោលនយោបាយ និងតំបន់ជនជាតិភាគតិច។ ប្តេជ្ញានាំខេត្ត Lam Dong ក្លាយទៅជាខេត្តមានការអភិវឌ្ឍយ៉ាងឆាប់រហ័សប្រកបដោយនិរន្តរភាព”៕