អញ្ជើញថ្លែងនៅក្នុងកិច្ចប្រជុំកំពូល អនុប្រធានរដ្ឋលោកស្រី វ៉ូ
ធីអាញសួន បានវាយតម្លៃខ្ពស់ចំពោះការអភិវឌ្ឍនិងការចូលរួមចំណែករបស់ CICA ក្នុងរយៈពេល ៣០ ឆ្នាំកន្លងមក ក្នុងការបង្កើនការយល់ដឹង
និងការកសាងទំនុកចិត្តក្នុងចំណោមប្រជាជាតិ រួមចំណែកដល់ការរក្សាសន្តិភាព ស្ថិរភាព
និងពង្រីកកិច្ចសហប្រតិបត្តិការនៅអាស៊ី។ លោកអនុប្រធានរដ្ឋបានស្នើថា CICA គួរតែបន្តការច្នៃប្រឌិត និងលើកកម្ពស់ដំណើរការផ្លាស់ប្តូរ
ដើម្បីកែលម្អប្រសិទ្ធភាពប្រតិបត្តិការ និងកិច្ចសហប្រតិបត្តិការជាក់ស្តែង
ជាការប្តេជ្ញាចិត្តដែលបានបញ្ជាក់យ៉ាងខ្លាំងក្លានៅក្នុងឯកសារសំខាន់ៗនៃកិច្ចប្រជុំកំពូលនេះ។
ក្នុងឱកាសនេះ អនុប្រធានរដ្ឋ លោកស្រី វ៉ូ ធីអាញសួន
បានលើកត្រដែតពីសមិទ្ធផលលេចធ្លោរបស់វៀតណាម ក្រោយរយៈពេល ៤០
ឆ្នាំនៃការផ្លាស់ប្តូរថ្មី (Doi Moi) ដោយបញ្ជាក់ថា
វៀតណាមបានបង្កើតមូលដ្ឋានគ្រឹះរឹងមាំមួយ ដើម្បីចូលដល់ដំណាក់កាលអភិវឌ្ឍន៍ថ្មី។
វៀតណាមបានត្រៀមខ្លួនរួចជាស្រេចដើម្បីចែករំលែកបទពិសោធន៍ និងរួមដំណើរជាមួយសមាជិក CICA
ដើម្បីជំរុញកិច្ចសហប្រតិបត្តិការក្នុងវិស័យដែលមានផលប្រយោជន៍ទៅវិញទៅមក;
បន្តកសាង និងពង្រឹងទំនុកចិត្តតាមរយៈសកម្មភាពជាក់ស្តែង
ដើម្បីអាស៊ីមួយ ប្រកបដោយមានសន្តិភាព ការតភ្ជាប់ និងវិបុលភាព។
នៅថ្ងៃទី១៥ ខែតុលា អនុប្រធានរដ្ឋ លោកស្រី វ៉ូ ធី អាញសួន
បានអញ្ជើញជួបជាមួយប្រធានាធិបតីអ៊ូសបេគីស្ថាន Shavkat Mirziyoyev និងអគ្គលេខាធិការ CICA លោក Kairat Sarybay ផងដែរ៕
