ឧបនាយក រដ្ឋមន្ត្រីវៀតណាម លោក Le Minh Khai បានទទួលជួបលោក Tony Blair អតីតនាយករដ្ឋមន្ត្រីអង់គ្លេស ប្រធានប្រតិបត្តិវិទ្យាស្ថាន Tony Blair ដើម្បីការផ្លាស់ប្តូរសកល (TBI)។ (រូបថត៖ VNA)

នៅក្នុងជំនួបនេះ លោកឧបនាយករដ្ឋមន្ត្រី Le Minh Khai បានចែករំលែកជាមួយ អតីតនាយករដ្ឋមន្ត្រីអង់គ្លេស Tony Blair នូវព័ត៌មានមួយចំនួនអំពីស្ថានភាពអភិវឌ្ឍន៍ សេដ្ឋកិច្ចសង្គមរបស់​វៀតណាមកាលពីឆ្នាំមុន និងត្រីមាសទីមួយនៃឆ្នាំនេះ; សង្កត់ធ្ងន់ ថា ក្នុងបរិបទដែលសេដ្ឋកិច្ច និងនយោបាយសកលមានការវិវឌ្ឍន៍ដ៏ស្មុគស្មាញ និង មិនអាចទាយទុកជាមុនបាននោះ សេដ្ឋកិច្ចវៀតណាមនៅតែទទួលបានលទ្ធផលវិជ្ជមាន។

រីឯខ្លួនវិញ លោក Tony Blair បានសម្តែងការចាប់អារម្មណ៍ចំពោះការរីកចម្រើន និងនវានុវត្តនភាពដ៏ខ្លាំងក្លារបស់វៀតណាម ព្រមទាំងបានចែករំលែកព័ត៌មានមួយ ចំនួនបន្ថែមទៀត និងផ្តល់គំនិតលើការទាក់ទាញការវិនិយោគ និងហិរញ្ញវត្ថុ; ការ អភិវឌ្ឍឧស្សាហកម្ម semiconductor; កម្មវិធីបញ្ញាសិប្បនិម្មិត; ក៏ដូចជាការអភិវឌ្ឍរបស់ វៀតណាមនាពេលខាងមុខផងដែរ។ យោងតាមលោក នារយៈពេលខ្លីខាងមុខ បណ្តា ប្រទេសត្រូវតែតាមទាន់ការអភិវឌ្ឍយ៉ាងឆាប់រហ័សនៃបដិវត្តន៍បច្ចេកវិទ្យាថ្មី ជាពិសេស បច្ចេកវិទ្យាបញ្ញាសិប្បនិម្មិត (AI)។ ដូច្នេះ ចាំបាច់ត្រូវផ្លាស់ប្តូរ ទាំងផ្នែកបណ្តុះបណ្តាល ទៀតផង។ លោកអតីតនាយករដ្ឋមន្ត្រី Tony Blair ក៏បានបញ្ជាក់អំពីការត្រៀមខ្លួនជា ស្រេច រួមដំណើរជាមួយវៀតណាមក្នុងដំណើរខាងមុខ លើវិស័យទាំងបី៖ ហិរញ្ញវត្ថុ ថាមពល និងបច្ចេកវិទ្យា៕