នាព្រឹកថ្ងៃទី១៩ ខែឧសភា ឆ្នាំ២០២៥ នៅទីក្រុងហាណូយ នាយករដ្ឋមន្ត្រីវៀតណាមលោក ហ្វាម មិញជីញ បានអញ្ជើញចូលរួមពិធីបើកការដ្ឋានសាងសង់គម្រោងវិនិយោគ កសាងស្ពាន Tu Lien រដ្ឋធានីហាណូយ។
ថ្លែងមតិនៅព្រឹត្តិការណ៍និងបញ្ជាឱ្យចាប់ផ្តើមគម្រោងនេះ លោកនាយករដ្ឋមន្ត្រី ហ្វាម មិញជីញ បានសង្កត់ធ្ងន់ថា ទីក្រុងហាណូយមិនត្រឹមតែជាមជ្ឈមណ្ឌល នយោបាយប៉ុណ្ណោះទេ ថែមទាំងជាមជ្ឈមណ្ឌលសេដ្ឋកិច្ច វប្បធម៌ ទេសចរណ៍ និង ជាមជ្ឈមណ្ឌលផ្លាស់ប្តូរអន្តរជាតិនៃប្រទេសទាំងមូលទៀតផង។ ហេតុដូច្នេះ ការ វិនិយោគកសាងស្ពាន Tu Lien នឹងបង្កើតការតភ្ជាប់ និងការអភិវឌ្ឍសេដ្ឋកិច្ចសង្គមនៃ ខ័ណ្ឌស្រុកនានាក្នុងទីក្រុងហាណូយ; តភ្ជាប់ខេត្ត ក្រុងក្នុងតំបន់ តភ្ជាប់ប្រទេសទាំង មូល និងតភ្ជាប់អន្តរជាតិតាមរយៈអាកាសយានដ្ឋាន Noi Bai និងព្រលានយន្តហោះ Gia Binh។ ក្នុងនោះ តភ្ជាប់តំបន់ខាងក្នុងទីក្រុងហាណូយជាមួយមជ្ឈមណ្ឌលតាំង ពិពណ៌ជាតិ អភិវឌ្ឍន៍ស្រុក Dong Anh ទៅជាមជ្ឈមណ្ឌលវប្បធម៌ និងសេវាកម្មដ៏ធំនៃ រដ្ឋធានី ប្រទេសទាំងមូល ដោយមានលំដាប់អន្តរជាតិ; បង្កើនការតភ្ជាប់គមនាគមន៍; កាត់បន្ថយថ្លៃដើមឡូជីស្ទីក និងថ្លៃដើមចូលសម្រាប់សហគ្រាស; អភិវឌ្ឍន៍ទេសចរណ៍; បើកលំហអភិវឌ្ឍន៍ថ្មី; រួមចំណែកសម្រេចបានគោលដៅកំណើន ៨% ក្នុងឆ្នាំនេះ និងចំនួនពីរខ្ទង់ក្នុងឆ្នាំបន្ទាប់ៗ។
លោកនាយករដ្ឋមន្ត្រីបានបញ្ជាឱ្យអាជ្ញាធរទីក្រុងហាណូយខិតខំប្រឹងប្រែង បំពេញការបោសសំអាតទីតាំង និងបង្កើតលក្ខខណ្ឌអំណោយផលបំផុតសម្រាប់ អង្គភាពអនុវត្តន៍គម្រោងស្ពាន Tu Lien ប្រកបដោយជោគជ័យ និងក្លាយជាសំណង់ និមិត្តសញ្ញាថ្មីរបស់រដ្ឋធានី៕
