រូបភាព៖ tapchicongthuong.vn

ថ្លែងនៅក្នុងពិធីរំលឹកខួបលើកទី ១០៣ នៃការបង្កើតសមាគមអតីតយុទ្ធជនម៉ាឡេស៊ី កាលពីថ្ងៃទី ១៦ ខែមិថុនា នៅទីក្រុងគូឡាឡាំពួ ប្រធានសមាគមលោក Datuk Shaharuddin Omar បានឲ្យដឹងថា ផែនការនេះត្រូវបានអនុវត្តដោយមានការគាំទ្រពីសមាគមអតីតយុទ្ធជនវៀតណាម។ កិច្ចសហប្រតិបត្តិការរវាងសមាគមទាំងពីរត្រូវបានរំពឹងថានឹងជួយកាត់បន្ថយពេលវេលាបំពេញនីតិវិធីរដ្ឋបាលក្នុងសកម្មភាពនាំចូលអាហារទៅកាន់ប្រទេសម៉ាឡេស៊ី តាមរយៈការបង្កើតរោងចក្រដែលមានវិញ្ញាបនប័ត្រ ហាឡាល់នៅវៀតណាម ដើម្បីចែកចាយផលិតផលក្នុងស្រុក។

នៅក្នុងព្រឹត្តិការណ៍នេះ សមាគមអតីតយុទ្ធជនម៉ាឡេស៊ី បានចុះហត្ថលេខាលើអនុស្សរណៈយោគយល់គ្នា (MoU) ស្តីពីកិច្ចសហប្រតិបត្តិការសេដ្ឋកិច្ចរវាងអតីតយុទ្ធជនជាមួយប្រទេសវៀតណាម ឥណ្ឌូនេស៊ី ប្រ៊ុយណេ ថៃ និងកម្ពុជា។ យោងតាមលោក Shaharuddin អនុស្សរណៈនេះមានគោលបំណងចូលរួមចំណែកក្នុងការពង្រីកទីផ្សារនាំចេញទំនិញក្នុងស្រុក៕