នៅរសៀលថ្ងៃទី១៣ ខែសីហា នៅទីក្រុងហាណូយ ក្នុងជំនួបធ្វើការជាមួយក្រសួង និងស្ថាប័ននានាស្តីពីភារកិច្ចសំខាន់ៗមួយចំនួនរបស់គណៈកម្មាធិការដឹកនាំជាតិសម្រាប់ការស្វែងរក ប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជនពលី (គណៈកម្មាធិការដឹកនាំ លេខ ៥១៥) លោកស្រីឧបនាយករដ្ឋមន្ត្រី ផាម ធីថាញ់ ត្រា បានស្នើឱ្យមានការបង្កើត និងបំពេញមូលដ្ឋានទិន្នន័យស្តីពីយុទ្ធជនពលី ផ្នូរយុទ្ធជនពលី និងឈាបនដ្ឋានយុទ្ធជនពលី ដោយបង្កើតជាមូលដ្ឋានគ្រឹះ បម្រើការងារស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី ប្រកបដោយប្រសិទ្ធភាពជាង។
ដោយសង្កត់ធ្ងន់ថា ការស្វែងរក ប្រមូលផ្តុំ និងការកំណត់អត្តសញ្ញាណអដ្ឋិធាតុយុទ្ធជន ពលី គឺជាកាតព្វកិច្ចចេញពីបេះដូង និងជាការទទួលខុសត្រូវខាងនយោបាយ ឧបនាយករដ្ឋមន្ត្រី លោកស្រី ផាម ធីថាញ់ ត្រា បានប្រគល់ភារកិច្ចដល់ការិយាល័យគណៈកម្មាធិការដឹកនាំលេខ ៥១៥ ឲ្យសម្របសម្រួលជាមួយមូលដ្ឋាននានា ដើម្បីបង្កើតដំណើរការសម្រាប់ដោះស្រាយសំណុំឯកសារនៃផ្នូរយុទ្ធជនពលី និងផ្នូរជាក្រុម ដោយធានាបាននូវភាពច្បាស់លាស់ទាក់ទងនឹងការទទួលខុសត្រូវ ភារកិច្ច ពេលវេលា និងលទ្ធផលដែលរំពឹងទុក។ លោកស្រីឧបនាយករដ្ឋមន្ត្រី ផាម ធីថាញ់ត្រា បានសង្កត់ធ្ងន់ថា៖ "យើងត្រូវតែបំពេញមូលដ្ឋានទិន្នន័យឲ្យបានពេញលេញអំពីយុទ្ធជនពលី និងផ្នូរយុទ្ធជន ពលី ហើយនោះគឺជាការទទួលខុសត្រូវរបស់ក្រសួងមហាផ្ទៃ។ ទាក់ទងនឹងសំណុំឯកសារយុទ្ធជនពលី ក្រសួងការពារប្រទេសមានភារកិច្ចបង្កើតវិធីដើម្បីរួមបញ្ចូលទិន្នន័យជាប្រព័ន្ធ តាមរបៀបពេញលេញ និងម៉ត់ចត់។ នេះជាអ្វីមួយដែលយើងត្រូវធ្វើជាបន្ទាន់។ ពីព្រោះបើគ្មានទិន្នន័យទេ គឺពិបាកខ្លាំងណាស់ ហើយទិន្នន័យនេះមិនត្រឹមតែបានមកពីក្នុងប្រទេសប៉ុណ្ណោះទេ ប៉ុន្តែ ថែមទាំងមកពីអង្គការ និងបុគ្គលទៀតផង។ គោលដៅដ៏ល្អបំផុតគឺត្រូវបំពេញមូលដ្ឋានទិន្នន័យនេះនៅចុងឆ្នាំនេះ"។
ចំពោះទីក្រុងហូជីមិញ លោកស្រីឧបនាយករដ្ឋមន្ត្រី ផាម ធីថាញ់ត្រា បានស្នើឱ្យបន្តស្វែងរក និងប្រមូលអដ្ឋិធាតុយុទ្ធជនពលីនៅឧទ្យានឡេធីរៀង៕
