នៅក្រុងហូយអាន បន្ទាប់ពីបញ្ចប់បុណ្យចូលឆ្នាំថ្មី (ថ្ងៃ៧ ខែ១ ចន្ទគតិ) អ្នកស្រុកអូរអរត្រៀមទទួលបុណ្យង្វៀនទីវ (Nguyen tieu)។ នេះជាពិធីបុណ្យធំបំផុតក្នុងមួយឆ្នាំ បន្ទាប់ពីបុណ្យចូលឆ្នាំថ្មី ដែលមានអាយុកាលយូរយារណាស់មកហើយ ជាព្រឹត្តិការណ៍វប្បធម៌រួម នៃសហគមន៍អ្នកក្រុងហូយអាន ដែលផ្សារភ្ជាប់នឹងដំណើរកកើត និងអភិវឌ្ឍន៍ក្រុង - កំពង់ផែហូយអាន ពីអតីតកាលប្រវត្តិសាស្រ្តមកដល់សព្វថ្ងៃ។
នៅក្រុងហូយអាន បន្ទាប់ពីបញ្ចប់បុណ្យចូលឆ្នាំថ្មី (ថ្ងៃ៧ ខែ១ ចន្ទគតិ) អ្នកស្រុកអូរអរត្រៀមទទួលបុណ្យង្វៀនទីវ (Nguyen tieu)។ នេះជាពិធីបុណ្យធំបំផុតក្នុងមួយឆ្នាំ បន្ទាប់ពីបុណ្យចូលឆ្នាំថ្មី ដែលមានអាយុកាលយូរយារណាស់មកហើយ ជាព្រឹត្តិការណ៍វប្បធម៌រួម នៃសហគមន៍អ្នកក្រុងហូយអាន ដែលផ្សារភ្ជាប់នឹងដំណើរកកើត និងអភិវឌ្ឍន៍ក្រុង - កំពង់ផែហូយអាន ពីអតីតកាលប្រវត្តិសាស្រ្តមកដល់សព្វថ្ងៃ។
បុណ្យង្វៀនទីវ (Nguyen tieu) នៅក្រុងហូយអាន មានតម្លៃវប្បធម៌ អត្តសញ្ញាណដោយឡែក បើប្រៀបនឹងគ្រប់ទីកន្លែងនៅវៀតណាម និង អាស៊ី ដោយសារបានកកើតផ្អែកលើមូលដ្ឋានប្រពៃណីវប្បធម៌ភូមិស្រុករបស់វៀតណាម និង មានការដោះដូរវប្បធម៌ជាមួយនឹងប្រទេសចិន ជប៉ុន នៅអំឡុងសម័យកាលរុងរឿងបំផុតរបស់ហូយអាន ដែលជាផែធំបំផុតនៃតំបន់។
នៅរដូវកាលនេះ សាលក្លិប ទីសក្ការបូជា វត្តអារាម ផ្ទះឯកជន នៃប្រជាជនក្រុងហូយអាន សុទ្ធតែបានរៀបចំពិធីបូជាអ្នកកកើតភូមិស្រុក បួងសួងសូមសុខ សូមលាភដើមឆ្នាំថ្មី។
បុណ្យង្វៀនទីវ (Nguyen tieu) មានតួនាទីសំខាន់ក្នុងជីវភាពវប្បធម៌នៃសហគមន៍ប្រជាជនហូយអាន។ វាឆ្លើយតបនឹងតម្រូវការវប្បធម៌ចេតភាព ផ្សារភ្ជាប់នឹងសហគមន៍ផង មានទាំងសកម្មភាពវប្បធម៌ សិល្បៈ ល្បែងលេងកម្សាន្តបែបប្រពៃណីទាក់ទាញ និងពិសេសផង ដូច្នេះទាក់ទាញសហគមន៍ចូលរួមយ៉ាងកុះករ។
បច្ចុប្បន្ននេះ ពិធីបុណ្យង្វៀនទីវ (Nguyen tieu) ហូយអាន មិនត្រឹមតែជាសកម្មភាពវប្បធម៌ចេតភាពបែបប្រពៃណីមួយ ដែលប្រជាជនទន្ទឹងរង់ចាំប៉ុណ្ណោះទេ នៅទាំងបានបានក្លាយជាផលិតផលទេសចរណ៍ពិសេស សម្រាប់ភ្ញៀវទេសចរនារដូវដើមឆ្នាំថ្មី ម្ល៉ោះហើយទាក់ទាញភ្ញៀវទេសចរក្នុងស្រុក និងបរទេសច្រើនកុះករ អញ្ជើញចូលរួមសប្បាយ៕
