ក្រុមការងារនៃសមាគមជនរងគ្រោះដោយសារធាតុគីមីពុលពណ៌លឿងទុំ/ឌីអុកស៊ីន ទីក្រុងហូជីមិញ ដឹកនាំដោយឧត្តមសេនីយ៍ឯក ង្វៀន ហុង សឺន អនុប្រធានសមាគមជនរងគ្រោះដោយសារធាតុគីមីពុលពណ៌លឿងទុំ/ឌីអុកស៊ីនវៀតណាម និងជាប្រធានសមាគមជនរងគ្រោះដោយសារធាតុគីមីពុលពណ៌លឿងទុំ/ឌីអុកស៊ីន ទីក្រុង ហូជីមិញ ថ្មីៗនេះ បានមានសកម្មភាពការងារជាបន្តបន្ទាប់នៅសហរដ្ឋអាមេរិក ដើម្បីជំរុញការរួមដំំណើរ និងជួយឧបត្ថម្ភសម្រាប់ជនរងគ្រោះដោយសារធាតុគីមីពុល ពណ៌ លឿងទុំ/ឌីអុកស៊ីន (ថ្ងៃទី ១២-១៤ ខែសីហា)។
គណៈប្រតិភូបានជួបជាមួយលោកស្រីសមាជិកសភា រ៉ាស៊ីដា ត្លៃប អតីតយុទ្ធជនដើម្បីសន្តិភាពអាមេរិក (VFP) អ្នកជំនាញផ្នែកច្បាប់ និងអង្គការសង្គម និងយុវជនជាច្រើននៅសហរដ្ឋអាមេរិក...។
ក្នុងបណ្តាជំនួប ឧត្តមសេនីយ៍ឯក ង្វៀន ហុង សឺន បានចែករំលែកព័ត៌មានអំពីផលវិបាករយៈពេលវែងបណ្តាលពីសារធាតុគីមីពណ៌លឿងទុ/ឌីអុកស៊ីន នៅវៀតណាម និងកិច្ចខិតខំប្រឹងប្រែងរបស់សមាគមក្នុងការផ្តល់ការថែទាំសុខភាព ការស្តារនីតិសម្បទា ការគាំទ្រជីវភាព អាហារូបករណ៍ លំនៅដ្ឋាន និងការការពារសិទ្ធិស្របច្បាប់របស់ជនរងគ្រោះ។ គណៈប្រតិភូបានសង្កត់ធ្ងន់លើវិធីសាស្រ្តផ្តោតលើជនរងគ្រោះ ដោយបង្កើតលក្ខណៈងាយស្រួលសម្រាប់ពួកគេក្នុងការធ្វើសមាហរណកម្មដោយទំនុកចិត្ត និងចូលរួមចំណែកដល់សង្គម។
នៅក្នុងកិច្ចពិភាក្សាជាមួយគណៈប្រតិភូ លោកស្រីសមាជិកសភា រ៉ាស៊ីដា ត្លៃប បានបញ្ជាក់ពីការបន្តគាំទ្ររបស់លោកស្រីចំពោះកិច្ចខិតខំប្រឹងប្រែងតស៊ូមតិគោលនយោបាយសម្រាប់អ្នកដែលរងផលប៉ះពាល់ពីសារធាតុគីមីពណ៌លឿងទុ/ឌីអុកស៊ីន និងការថែទាំសុខភាពសម្រាប់អតីតយុទ្ធជនអាមេរិក។ លោកស្រីបានសង្កត់ធ្ងន់លើសារៈសំខាន់នៃការពង្រីកបណ្តាញគាំទ្រនៅក្នុងសភាសហរដ្ឋអាមេរិក ការពង្រឹងការសម្របសម្រួលក្នុងចំណោមសមាជិកសភា VFP អង្គការសង្គម និងជាពិសេសយុវជនជំនាន់ក្រោយ ដើម្បីផ្សព្វផ្សាយការយល់ដឹងអំពីផលវិបាកបណ្តាលពីសង្គ្រាម៕
