ក្នុងជំនួបនេះ នាយករដ្ឋមន្ត្រីទាំងបីបានឯកភាពវាយតម្លៃថា យន្តការកិច្ចសហប្រតិបត្តិការទ្វេភាគី និងត្រីភាគីជាច្រើនរវាងវៀតណាម - កម្ពុជា - ឡាវ បាននិងកំពុង ពង្រីកប្រសិទ្ធភាព ជាពិសេសគឺជំនួបរវាងរដ្ឋមន្ត្រីក្រសួងការពារជាតិទាំងបី រដ្ឋមន្ត្រី ក្រសួងនគរបាល/ក្រសួងមហាផ្ទៃទាំងបី និងរដ្ឋមន្ត្រីក្រសួងការបរទេស ទាំងបី ព្រមទាំងឯកភាពផងដែរថា ការជឿទុកចិត្ត ការចែករំលែកជាយុទ្ធសាស្រ្តគឺជា មូលដ្ឋានគ្រឹះសម្រាប់កិច្ចសហប្រតិបត្តិការប្រកបដោយនិរន្តរភាពយូរអង្វែងលើគ្រប់វិស័យ ក្នុងនោះយកចិត្តទុកដាក់ពិសេសដល់ការតភ្ជាប់ប្រទេសទាំងពីរ និងប្រទេសទាំងបីក្នុងវិស័យសេដ្ឋកិច្ច ពាណិជ្ជកម្ម ហិរញ្ញវត្ថុ ការអប់រំ វប្បធម៌ និងការផ្លាស់ប្តូរ ប្រជាជនជាមួយប្រជាជន។
ភាគីទាំងបីបានឯកភាពជំរុញកិច្ចសហប្រតិបត្តិការក្នុងការអភិវឌ្ឍតំបន់ព្រំដែន ដោយផ្តោតលើការតភ្ជាប់ហេដ្ឋារចនាសម្ព័ន្ធដឹកជញ្ជូន ថាមពល ពាណិជ្ជកម្ម ការធ្វើបរិវត្តកម្មឌីជីថល ធនធានមនុស្ស និងការលើកកម្ពស់ប្រសិទ្ធភាពនៃប្រព័ន្ធច្រកទ្វារ ព្រំដែនគោករវាងប្រទេសទាំងបី ដើម្បីបង្កើតភាពងាយស្រួលជាអតិបរមាសម្រាប់ ពាណិជ្ជកម្មតាមព្រំដែន និងការអភិវឌ្ឍសេដ្ឋកិច្ចសង្គមនៃខេត្តជាប់ព្រំដែននានា; សម្របសម្រួលស្រាវជ្រាវ បង្កើតតំបន់សេដ្ឋកិច្ចឆ្លងដែន ពិនិត្យ និងកែសម្រួលកិច្ច ព្រមព្រៀង ដើម្បីបង្កើតច្រករបៀងផ្លូវច្បាប់ដ៏អំណោយផល ខិតខំបង្កើនទំហំពាណិជ្ជ កម្មរវាងវៀតណាម-ឡាវឡើងដល់ ៥ពាន់លានដុល្លារអាមេរិក និងវៀតណាម-កម្ពុជា ឡើងដល់ ២០ពាន់លានដុល្លារអាមេរិក; ជំរុញគំនិតផ្តួចផ្តើម “៣ ប្រទេស គោលដៅតែ ១” និងសម្របសម្រួលជាមួយប្រទេសថៃ ដើម្បីអនុវត្តន៍គម្រោងតភ្ជាប់គមនាគមន៍ដឹក ជញ្ជូនរវាងប្រទេសទាំងបួន។
នាយករដ្ឋមន្ត្រីទាំងបីបានចែករំលែកថា សន្តិសុខរបស់ប្រទេសមួយនេះក៏ជាផលប្រយោជន៍របស់ប្រទេសមួយផ្សេងទៀតដែរ; សន្យាជាថ្មីម្ដងទៀតនូវកិច្ចសហប្រតិ បត្តិការដើម្បីរក្សាស្ថិរភាពនយោបាយ សន្តិសុខ សុវត្ថិភាពសង្គមក្នុងប្រទេសនីមួយៗ និងរក្សាសណ្តាប់ធ្នាប់នៅតាមតំបន់ព្រំដែន; ជំរុញខ្លាំងនូវការបង្ការ ប្រយុទ្ធប្រឆាំងបទល្មើសគ្រប់ប្រភេទ ប្រឆាំងការឆ្លងដែនខុសច្បាប់ ការពារព្រំដែនមិត្តភាព សន្តិភាព ស្ថិរភាព និងអភិវឌ្ឍន៍៕
