នេះជាការបញ្ជាក់របស់ឯកអគ្គរដ្ឋទូតវៀតណាមប្រចាំនៅសិង្ហបុរី លោក ត្រឹន ភឿក អាញ ក្នុងបទសម្ភាសន៍ជាមួយអ្នកយកព័ត៌មានរបស់វិទ្យុសំឡេងវៀតណាមប្រចាំប្រទេសថៃ មុនពេលដំណើរទស្សនកិច្ចជាផ្លូវការ នៅសិង្ហបុរីរបស់អគ្គលេខាបក្ស លោក តូ ឡឹម និងលោកជំទាវភរិយាចាប់ពីថ្ងៃទី ១១ ដល់ថ្ងៃទី ១៣ ខែមីនា។

ដំណើរទស្សនកិច្ចនេះបង្ហាញពីការយកចិត្តទុកដាក់របស់ថ្នាក់ដឹកនាំនៃប្រទេសទាំងពីរក្នុងការរឹតបន្តឹងទំនាក់ទំនងទ្វេភាគី។ ក្នុងដំណើរទស្សនកិច្ចនេះ លោកអគ្គលេខាបក្សកុម្មុយនិស្តវៀតណាមនឹងជួបជាមួយថ្នាក់ដឹកនាំជាន់ខ្ពស់នៃប្រទេសសិង្ហបុរី ក្នុងនោះមានអគ្គលេខាធិការនិងជានាយករដ្ឋមន្ត្រីសិង្ហបុរីលោកឡរែន វ៉ូងយ៉ុនសៃ (Lawrence Wong) ផងដែរ។ ដូច្នេះ ការលើកកំពស់ទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយនឹងបង្ហាញថា នេះជាមូលដ្ឋានគ្រឹះនយោបាយដ៏សំខាន់បំផុត ដើម្បីបន្តជំរុញទំនាក់ទំនងដ៏ល្អរវាងវៀតណាមនិងសិង្ហបុរីឲ្យកាន់ តែជាក់ស្តែងនិងស៊ីជម្រៅ។ នេះបើ យោងតាមលោកឯកអគ្គរដ្ឋទូត លោក ត្រឹន ភឿក អាញ។

ក្រៅពីវិស័យសហប្រតិបត្តិការប្រពៃណី អំពីសេដ្ឋកិច្ច ពាណិជ្ជកម្ម វិនិយោគ វប្បធម៌ អប់រំ ការផ្លាស់ប្តូរប្រជាជននិងប្រជាជន មានវិស័យថ្មីៗដែលភាគីទាំងពីរយកចិត្តទុកដាក់និងមានបំណងចង់ពង្រឹងកិច្ចសហប្រតិបត្តិការតាមរយៈដំណើរទស្សនកិច្ចដូចជា៖ ថាមពលស្អាត វិទ្យាសាស្ត្រ បច្ចេកវិទ្យា និងនវានុវត្តន៍ និងឱកាសសហប្រតិបត្តិការហិរញ្ញវត្ថុ៕