ក្នុងពេលវេលាធ្វើដំណើរទេសចរណ៍ បងយុង (Dung) សំឡឹងឃើញមានភ្ញៀវទេសចរអន្តរជាតិ ពេលដែលអញ្ជើញមកប្រទេសវៀតណាម តែងចង់ទិញនៅវត្ថុអនុស្សាវរីយ៍ ដែលមានលក្ខណៈជាតិវៀតណាម ទុកធ្វើអំណោយជូនមិត្តភក្តិ ឬសាច់ញ្ញាតិ។ រួមជាមួយនឹងការសំឡឹងឃើញមានសណ្ឋាគារជាច្រើន តែងផ្លាស់ប្តូរផ្កាស្រស់តុបតែងនៅទីកន្លែងតុទទួលភ្ញៀវ ម្លោះហើយបងបានប្តេជ្ញាចិត្តបង្អាក់ការងារដែលកំពុងតែធ្វើ ដើម្បីស្វែងយល់អំពីភាពអមតៈនៃផ្កា ទុកសម្រាប់តុបតែងផង ទុកធ្វើអំណោយផង។
ពេលទើបផ្តើមបង្កើតស្នាដៃដំបូង បងយុង (Dung) បានបោះបង់ផ្ការាប់ពាន់ដើម ដោយសារមិនទាន់យល់អស់នូវលក្ខណៈជីវសាស្រ្តរបស់វា។ ជាមួយនឹងការជំនួយនៃសិល្បករ ង្វៀន បាម៉ឺវ (Nguyen Ba Muu) បងបានធ្វើសម្រេចស្នាដៃដំបូងបំផុត “គ្រួ និង ឱពុក” ដូចជាវត្ថុអំណោយមួយ ដែលបងចង់បានទុកសម្រាប់នឹករលឹកចំពោះឪពុកម្តាយខ្លួន។
បន្ទប់ច្នៃប្រឌិតស្នាដៃពេញទៅដោយលក្ខណៈ វប្បធម៌ប្រជាប្រិយវៀតណាមរបស់បង គេវ កាវយុង (Kieu Cao Dung)។
 ជាមួយចំណូលចិត្តរួមនឹងថ្វីដៃដ៏ប៉ិនប្រសប់ បងយុង (Dung) បានកម្លាយផ្កាធម្មជាតិទៅជាមាន “ភាពអមតៈ”។  បន្ទាប់ពីបានធ្វើប្រព្រឹត្តិកម្មជាបឋម ដើម្បីផ្កាមានស្រស់ស្អាត និង ធម្មតាបំផុត ផ្កានឹងបានត្រាំជាមួយទឹកជាតិគីមី ធ្វើឱ្យស។  ទឹកជ្រលក់ពណ៌ផ្កាសុទ្ធតែជាប្រភេទប្រើសម្រាប់ ផលិតផលគ្រាប់ស្ករ មានសុវត្ថិភាពចំពោះអ្នកប្រើប្រាស់ និង បរិស្ថាន។  ផ្កាបន្ទាប់ពីជ្រលក់ពណ៌ នឹងបានយកទៅដាក់ក្នុងទូសម្ងួតធ្វើស្ងួត។  ដើម្បីផ្កាមានសភាពស្រទន់ដូចដើម បងយុង (Dung) នឹងត្រូវប្រើម៉ាស៊ីន អ៊ុតនូវត្របកផ្កា។  ក្រៅពីការប្រើប្រាស់ទុកសម្រាប់តុបតែងក្នុងផ្ទះ បងយុង (Dung) នៅទាំងផ្សំនឹងផ្កាស្ងួតគ្រប់ប្រភេទរបស់ខ្លួន ទៅលើស្នាដៃផ្សេងៗដូចជា ផ្ទាំងគំនូរ អក្សរក្បាច់ជាដើម។  មិត្តវ័យក្មេងយ៉ាងច្រើន មានរួមក្តីចំណូលចិត្ត នឹងផ្កាសម្ងួត ក៏បានអញ្ជើញមករៀន ក៏ដូចជាសហការដើម្បីអភិវឌ្ឍន៍ នៅទីនេះរួមនឹងបង យុង (Dung)។  បងគេវ កាវយុង (Kieu Cao Dung) កំពុងឧទ្ទេសនាមនឹងភ្ញៀវទេសចរបរទេសអំពីផ្កាសម្ងួតពិសេសរបស់ខ្លួន នៅហាងវត្ថុអនុស្សាវរីយ៍។ |
ដោយទេពកោសល្យរបស់ខ្លួន ទោះបីមិនទាន់មានថ្នាក់បណ្តុះបណ្តាលណាមួយ អំពីគំនូរវិចិត្រ ប៉ុន្តែបងយុង (Dung) នៅតែមមាញឹកបង្កើតស្នាដៃដូចជា “វត្តសសរមួយ” “ទីក្រុងហ្វេបុរាណ” “តំបន់តីបាក់ (Tay Bac)” “អម្រែកផ្កា” ឬស្នាដៃរស់រវើកពោរពេញលក្ខណៈជនបទវៀតណាមរាប់រយ បានធ្វើមកពីផ្កាដោយឆ្លងកាត់ដំណាក់កាលបច្ចេកទេសជាច្រើន ដើម្បីអាចរក្សាទុកបានច្រើនឆ្នាំ។
ចែករំលែកអំពីបច្ចេកទេសធ្វើស្នាដៃផ្កាអមតៈ បងយុង (Dung) ឱ្យដឹងថាត្រូវឆ្លងកាត់ ៤ ដំណាក់កាល រួមមានជ្រើសវត្ថុធាតុដើម ឱ្យត្រូវតាមសំណូមពរអំពីកម្រិតស្រស់ និង កម្រិតរីកនៃផ្កា បន្ទាប់មកធ្វើប្រព្រឹត្តិកម្មដោយជាតិគីមីជិតដិតនឹងបរិស្ថាន រួចយកទៅដាក់ក្នុងទូសម្ងួត។ ដំណាក់កាលធ្វើប្រព្រឹត្តិកម្មផ្កាមួយដើម តែងខាតបង់ពេលចំនួន ១០ថ្ងៃ។ ចុងក្រោយ គឺបង្កើតរូបរាងផ្កា តាមគំនិតរបស់ខ្លួន។ ការបង្កើតស្នាដៃទាមទារការត្រិះរិះគិតគូរ បញ្ចេញរាង និង ពណ៌លាបលើស្នាដៃមួយណាសមស្រប់ និង មានអត្ថន័យ។
ប្រការពិសេសមួយ គឺស្នាដៃផ្កាណាមួយ របស់បងយុង (Dung) មនុស្សគ្រប់គ្នាតែងជួបប្រទះនូវភាពគួបផ្សំរវាងផលិតផលផ្តៅ ឫស្សី តម្បាញ។ ប្រការនេះ ជួយឱ្យស្នាដៃរបស់បងមិនត្រឹមតែផ្តល់បានរូបារម្មណ៍ នៅទាំងមានលក្ខណៈអនុវត្តខ្ពស់ក្នុងជីវភាពរស់នៅ៕
ស្នាដៃផ្កាសម្ងួតឆ្លងកាត់ថ្វីដៃដ៏ប៉ិនប្រសប់របស់បងយុង (Dung) ។ ស្នាដៃ “វត្ថសសរមួយ” ជាស្នាដៃមួយក្នុងចំណោមស្នាដៃផ្ចិតផ្ចង់បំផុត របស់បង គេវ កាវយុង (Kieu Cao Dung)។       |
អត្ថបទ៖ ង៉ឹនហា រូបថត៖ ខាញ់ឡុង
