អ្នកថតរូប លោក ត្រឹនថេផុង (Tran The Phong) ជាឈ្មោះល្បីល្បាញ និងឈានមុខគេមួយក្នុងវិស័យថតរូបសិល្បៈនៅប្រទេសវៀតណាម ទើបតែបើកការតាំងពិព័រណ៍កជន ដែលមានឈ្មោះថា “៥០ឆ្នាំ រដូវផ្កា”
ពិធីតាំងពិព័រណ៍នេះគឺជាការកត់សម្គាល់ពីសម្រស់ទីក្រុងហូជីមិញក្នុងអំឡុងពេលជាងកន្លះសតវត្សរ៍។ ជាមួយនឹងរូបថតចំនួនជាង ៥០សន្លឹក លោក ត្រឹនថេផុង (Tran The Phong) នាំអ្នកទស្សនាឆ្លងកាត់ទីផ្សារផ្កាចម្រុះពណ៌ ទូកផ្កាពោរពេញដោយពណ៌និទាឃរដូវ និងផ្លូវដែលពោរពេញទៅដោយផ្កាអង្គាសិល្ប៍ពណ៌លឿង ដែលជានិមិត្តសញ្ញាមិនអាចខ្វះបាននៃនិទាឃរដូវនៅភាគខាងត្បូង...
រូបថតនីមួយៗ មិនត្រឹមតែរៀបរាប់អំពី រឿងរ៉ាវនៃការចងចាំ និងទំនៀមទំលាប់ប៉ុណ្ណោះទេ ប៉ុន្តែថែមទាំងផ្តល់នូវទស្សនៈថ្មីអំពីទីក្រុងទំនើប និងអភិវឌ្ឍ ដែលនៅតែរក្សាបាននូវអត្តសញ្ញាណវប្បធម៌របស់វា។
រូបថត៖ អរុណរះ។
រូបថត៖ ផ្សារផ្កា។
រូបថត៖ និទាឃរដូវមកដល់។
រូបថត៖ និទាឃរដូវ។
រូបថត៖ សុភមង្គល។
ការងារ៖ បុណ្យតេត។
រូបថត៖ បង្ហាញតួអក្សរលើផ្លែឪឡឹក។
រូបថត៖ គ្រូសរសេរអក្សរក្បាច់។
រូបថត៖ ក្ដីសប្បាយរបស់កុមារ។
រូបថត៖ និទាឃរដូវនៃយុទ្ធជន។
អ្នកថតរូប លោក ត្រឹនថេផុង (Tran The Phong) តែងតែខិតខំប្រឹងប្រែងយ៉ាងខ្លាំងក្នុងការអភិរក្ស និងលើកតម្កើងភាពស្រស់ស្អាតនៃទីក្រុង ហូជីមិញ។ សេចក្តីស្រឡាញ់របស់គាត់ចំពោះទឹកដីនេះ ធ្លាប់បានបង្ហាញតាមរយៈគំហើញមនុស្សធម៌ ខណៈពេលប្រចាំថ្ងៃដ៏សាមញ្ញ និងអត្ថន័យនៃវប្បធម៌ និងប្រវត្តិសាស្ត្រ នៅក្នុងរូបថតនីមួយៗ។
អ្នកថតរូប លោក ត្រឹន ថេផុង (Tran The Phong) បាននិយាយថា "ការតាំងពិព័រណ៍នេះគឺជាការថ្លែងអំណរគុណរបស់ខ្ញុំ ចំពោះទីក្រុងហូជីមិញ ដែលជាកន្លែងរក្សាទុកនូវអនុស្សាវរីយ៍ និងមនោសញ្ចេតនារាប់មិនអស់ តាមរយៈ និទាឃរដូវ ៥០លើក ដ៏ត្រចេះត្រចង់។ ខ្ញុំសង្ឃឹមថា រូបថតនីមួយៗ នឹងផ្តល់ក្តីមោទនភាព និងក្តីស្នេហាមាតុភូមិដល់អ្នកទស្សនា”៕
អត្ថបទ៖ ឡេមិញ - រូបថត៖ ត្រឹនថេផុង (Tran The Phong)
ប្រែសម្រួលដោយង្វៀនយ៉ាង
