“ខ្ញុំឃើញថា មិត្តរួមការងារជាស្ត្រីវៀតណាម មានភាពក្លាហាន មានទំនុកចិត្ត និងឆ្លាតវៃ។ មិត្តសុទ្ធតែជាអ្នកមានកម្លាំងមាំមួន ហើយមានវិជ្ជាជីវៈណាស់”។
“យុទ្ធជនស្ត្រីនគរបាលប្រជាជនវៀតណាមមិនត្រឹមតែកាន់តំណែងជាអ្នកដឹកនាំឆ្នើមនៅក្នុងប្រទេសប៉ុណ្ណោះទេ ប៉ុន្តែថែមទាំងក្លាយជាមេបញ្ជាការនៃប្រតិបត្តិការរក្សាសន្តិភាពរបស់អង្គការសហប្រជាជាតិទៀតផង។ មិត្តទាំងអស់ តែងតែបំពេញរាល់កិច្ចការបានយ៉ាងល្អឆ្នើម”។
ទាំងនេះគឺជាមតិរបស់សហការីជាបុរសនៅបេសកកម្មរក្សាសន្តិភាពរបស់អង្គការសហប្រជាជាតិ ដែលជាកន្លែងមានយុទ្ធនារីវៀតណាមបាននិងកំពុងចូលរួមផងដែរ។ វរសេនីយ៍ឯក Alptekin Ariantas ជនជាតិទួរគី មេបញ្ជាការប៉ូលីសរក្សាសន្តិភាពអង្គការសហប្រជាជាតិប្រចាំនៅ Juba បានបញ្ជាក់ថា យុទ្ធនារីមួកខៀវនគរបាលប្រជាជនវៀតណាម មិនត្រឹមតែមានសុខភាពល្អ ជំនាញភាសាបរទេសល្អ និងជំនាញល្អប៉ុណ្ណោះទេ ប៉ុន្តែថែមទាំងមានជំនាញរស់រានមានជីវិតគ្រប់លក្ខខណ្ឌ ដើម្បីបំពេញបេសកកម្មរបស់ខ្លួន”។
ការចូលរួមយ៉ាងសកម្ម និងប្រកបដោយការទទួលខុសត្រូវរបស់យុទ្ធនារីនគរបាល ក្នុងបេសកកម្មរក្សាសន្តិភាពអង្គការសហប្រជាជាតិ បានផ្សព្វផ្សាយរូបភាពរបស់យុទ្ធនារីវៀតណាម រួមចំណែកបង្ហាញសមត្ថភាព និងតួនាទីរបស់វៀតណាមជាទូទៅក្នុងភារកិច្ចរក្សាសន្តិភាពពិភពលោក៕
