ព័ត៌មាន
អគ្គលេខាបក្ស ប្រធានរដ្ឋលោកតូ ឡឹម ប្រគល់សេចក្តីសម្រេច តែងតាំងឯកអគ្គរដ្ឋទូតវៀតណាមប្រចាំនៅបរទេស
ទិដ្ឋភាពទូទៅនៃពិធីនេះ។ រូបថត៖ VNA
យោងតាមសេចក្តីសម្រេច លោកផាម ប៊ិញ ដាម ប្រធានគណៈលេខាធិការជាតិ APEC ២០២៧ ក្រសួងការបរទេស ត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពវៀតណាមប្រចាំនៅសាធារណរដ្ឋប្រជាធិបតេយ្យទីម័រខាងកើត។ លោកង្វៀន វ៉ាន ហៀវ អនុប្រធាននាយកដ្ឋានមជ្ឈិមបូព៌ា-អាហ្វ្រិក ក្រសួងការបរទេស ត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៃវៀតណាមប្រចាំសាធារណរដ្ឋអង់ហ្គោឡា ទទួលបន្ទុកប្រចាំនៅសាធារណរដ្ឋកុងហ្គោ សាធារណរដ្ឋហ្សំប៊ី សាធារណរដ្ឋប្រជាធិបតេយ្យកុងហ្គោ សាធារណរដ្ឋហ្គីណេអេក្វាទ័រ សាធារណរដ្ឋប្រជាធិបតេយ្យសៅតូមេ ប្រាំងស៊ីប និងសាធារណរដ្ឋ កាបូវែរ។
ដោយប្រគល់សេចក្តីសម្រេចតែងតាំង និងប្រគល់ភារកិច្ច ក្នុងនាមថ្នាក់ដឹកនាំនៃបក្ស និងរដ្ឋវៀតណាម អគ្គលេខាបក្ស ប្រធានរដ្ឋ លោកតូ ឡឹម បានស្នើឱ្យឯកអគ្គរដ្ឋទូតទាំងពីររូប ពង្រឹងនិងពង្រីកទំនាក់ទំនងរវាងវៀតណាមជាមួយទីម័រខាងកើត អង់ហ្គោឡា និងប្រទេសដែលស្ថិតនៅក្រោមការទទួលបន្ទុក។ ទាំងនេះគឺជាទីតាំងសំខាន់ពីរនៅក្នុងតំបន់ទាំងពីរ ដែលមានសក្តានុពល និងឱកាសសម្រាប់កិច្ចសហប្រតិបត្តិការ៖ "បក្សនិងរដ្ឋតែងតែយកចិត្តទុកដាក់លើការធ្វើឱ្យសុក្រិតស្ថាប័ន យន្តការ គោលនយោបាយ និងលក្ខខណ្ឌសម្រាប់សកម្មភាពកិច្ចការបរទេស។ ប៉ុន្តែប្រសិទ្ធភាពចុងក្រោយអាស្រ័យលើការអនុវត្ត ជាពិសេសតួនាទីរបស់ឯកអគ្គរដ្ឋទូត - តំណាងខ្ពស់បំផុតរបស់ប្រទេសក្នុងសកម្មភាពកិច្ចការបរទេស។ ខ្ញុំជឿជាក់ថា ជាមួយនឹងគុណសម្បត្តិនិងសមត្ថភាពរបស់ខ្លួន បណ្តាសមមិត្តនឹងបំពេញភារកិច្ចប្រកបដោយជោគជ័យ។ រួមចំណែកដល់ការរក្សាបរិយាកាសសន្តិភាព ការពារផលប្រយោជន៍ជាតិ ចាប់យកធនធាន និងឱកាសខាងក្រៅ ក៏ដូចជា លើកកម្ពស់ឋានៈរបស់វៀតណាមនៅលើឆាកអន្តរជាតិ"៕
អគ្គលេខាបក្ស ប្រធានរដ្ឋថតរូបជាមួយបណ្តាឯកអគ្គេដ្ឋទូត។ រូបថត៖ VNA
