សេចក្តីថ្លែងការណ៍រួមបានសង្កត់ធ្ងន់ថា ភាគីទាំងពីរបានបញ្ជាក់ជាថ្មីនូវការប្តេជ្ញាចិត្តរួមគ្នាក្នុងការជំរុញពាណិជ្ជកម្ម និងការវិនិយោគទ្វេភាគី និងលុបបំបាត់ឧបសគ្គដើម្បីបង្កើនចំណូលពាណិជ្ជកម្ម និងដើមទុនវិនិយោគនៅវៀតណាម និងដាណឺម៉ាក។ ក្នុងពេលជាមួយគ្នានេះ ភាគីទាំងពីរបានប្តេជ្ញាការពារ និងជំរុញប្រព័ន្ធពាណិជ្ជកម្មអន្តរជាតិបើកចំហ និងផ្អែកលើច្បាប់ ដែលមានអង្គការពាណិជ្ជកម្មពិភពលោក (WTO) ជាចំណុចកណ្តាល លើកកម្ពស់ខ្សែសង្វាក់តម្លៃប្រកបដោយប្រសិទ្ធភាព សហគ្រិនភាពប្រកបដោយភាពច្នៃប្រឌិត និងធានាការចូលទីផ្សារកាន់តែប្រសើរឡើង ស្របតាមកិច្ចព្រមព្រៀងពាណិជ្ជកម្មសេរីវៀត ណាម-សហភាពអឺរ៉ុប (EVFTA) និងភាពជាដៃគូរវាងសហភាពអឺរ៉ុប និងកិច្ចព្រមព្រៀងគ្រប់ជ្រុងជ្រោយនិងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP)។

ភាគីទាំងពីរបានឯកភាពគ្នាលើកកម្ពស់ និងសម្រួលដល់ការវិនិយោគឱ្យកាន់តែខ្លាំងក្លានៅក្នុងទីផ្សាររបស់គ្នាទៅវិញទៅមក ជាពិសេសនៅក្នុងវិស័យបច្ចេកវិទ្យាខ្ពស់ និងវិស័យដែលមានតម្លៃបន្ថែមខ្ពស់...។ ភាគីទាំងពីរបានស្វាគមន៍ និងយល់ព្រមអនុវត្តកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA) ប្រកបដោយប្រសិទ្ធភាព និងជំរុញឲ្យសមាជិកសហភាពអឺរ៉ុបដែលនៅសល់ឱ្យផ្តល់សច្ចាប័នលើកិច្ចព្រមព្រៀងការពារការវិនិយោគវៀតណាម-សហភាពអឺរ៉ុប (EVIPA) តាមនោះ បន្តគាំទ្រពាណិជ្ជកម្ម និងការវិនិយោគរវាងប្រទេសទាំងពីរ។

ភាគីទាំងពីរបានយល់ព្រមស្វែងយល់ពីលទ្ធភាពនៃកិច្ចសហប្រតិបត្តិការក្នុងវិស័យដឹកជញ្ជូនតាមផ្លូវសមុទ្រ ផ្លូវអាកាស ផ្លូវគោក និងផ្លូវដែក។ លើកកម្ពស់ការតភ្ជាប់ដឹកជញ្ជូន និងភស្តុភារកម្ម និងលើកទឹកចិត្តក្រុមហ៊ុនអាកាសចរណ៍ឱ្យបើកជើងហោះហើរត្រង់រវាង វៀតណាមនិងដាណឺម៉ាក ក៏ដូចជាទីតាំងងាយស្រួលផ្សេងទៀតនៅអឺរ៉ុបខាងជើង។

ភាគីទាំងពីរបានបញ្ជាក់ជាថ្មីនូវការប្តេជ្ញាចិត្ត ក្នុងការបន្តកិច្ចសហប្រតិបត្តិការវិស័យយុទ្ធសាស្ត្រក្នុងវិស័យសុខាភិបាល និងពង្រឹងបន្ថែមទៀតនូវកិច្ចសហប្រតិបត្តិការក្នុងវិស័យអប់រំ និងបណ្តុះបណ្តាលដើម្បីបម្រើទីផ្សារការងារ រួមទាំងកិច្ចសហប្រតិបត្តិការវិស័យយុទ្ធសាស្ត្រក្នុងការអប់រំ និងបណ្តុះបណ្តាលវិជ្ជាជីវៈ និងបច្ចេកទេស (TVET)៕