អ្នកការទូតនៃប្រទេសទាំងពីរនឹងពិភាក្សាអំពីការធ្វើឱ្យប្រក្រតីភាពនូវប្រតិបត្តិការនៃបេសកកម្មការទូតរបស់សហរដ្ឋអាមេរិក និងរុស្ស៊ីនៅទីក្រុងម៉ូស្គូ និងវ៉ាស៊ីនតោន។ មុននោះ នាថ្ងៃទី ២៧ ខែកុម្ភៈ ប្រទេសទាំងពីរបានធ្វើការពិគ្រោះយោបល់លើកដំបូងស្តីពីការកែលម្អទំនាក់ទំនងទ្វេភាគី។ កិច្ចប្រជុំនេះបានធ្វើឡើងនៅខាងក្នុងស្ថានកុងស៊ុលអាមេរិកប្រចាំទីក្រុងអ៊ីស្តង់ប៊ុល។ ទំនាក់ទំនងរវាងសហរដ្ឋអាមេរិក និងរុស្ស៊ីត្រូវបានកែលម្អយ៉ាងខ្លាំងចាប់តាំងពី លោកប្រធានាធិបតី ដូណាល់ ត្រាំ បានវិលត្រឡប់មកសេតវិមានវិញនៅថ្ងៃទី ២០ ខែមករា។

គួរឲ្យកត់សម្គាល់ ជំនួបជាន់ខ្ពស់ និងជំនួបពិគ្រោះយោបល់ការទូតរវាង សហរដ្ឋអាមេរិក និងរុស្ស៊ីនាពេលកន្លងមក សុទ្ធតែធ្វើឡើងនៅមជ្ឈិមបូព៌ា។ ក្នុងនោះ កិច្ចប្រជុំជាន់ខ្ពស់រវាងរដ្ឋមន្ត្រីការបរទេសនៃប្រទេសទាំងពីរបានធ្វើឡើងនៅប្រទេសអារ៉ាប៊ីសាអូឌីតនៅពាក់កណ្តាលខែកុម្ភៈដែលកត់សម្គាល់
ការជួបប្រាស្រ័យជាន់ខ្ពស់ជា ផ្លូវការលើកដំបូងរវាងមហាអំណាចទាំងពីរចាប់តាំងពីជម្លោះរុស្ស៊ី-អ៊ុយក្រែនបានផ្ទុះឡើងក្នុងខែកុម្ភៈឆ្នាំ ២០២២៕