ប្រធានរដ្ឋសភាលោក Andreas Norlen បានវាយតម្លៃខ្ពស់ចំពោះការដែលរដ្ឋសភា វៀតណាមបង្កើតក្រុមសភាមិត្តភាពជាមួយស៊ុយអែត; សម្តែងការគាំទ្រចំពោះការជំរុញសកម្មភាពចែករំលែកបទពិសោធន៍លើការបង្កើតច្បាប់ និងការឃ្លាំមើលរវាងស្ថាប័ននីតិប្បញ្ញត្តិទាំងពីរ។

រីឯខ្លួនវិញ អនុប្រធានរដ្ឋ លោកស្រី Vo Thi Anh Xuan បានអះអាងថា វៀតណាមជានិច្ចកាលយកចិត្តទុកដាក់ ក្នុងការអភិវឌ្ឍលើគ្រប់វិស័យជាមួយស៊ុយអែត ស្របតាមសក្ដានុពល ប្រៀបខ្លាំងនិងតម្រូវការរបស់ប្រទេសនីមួយៗ។ លោកស្រីអនុប្រធានរដ្ឋបានស្នើឱ្យស៊ុយអែតជួយជំរុញឲ្យបណ្តាប្រទេសជាសមាជិកសហភាពអឺរ៉ុប (EU) ដែលនៅសេសសល់ អនុម័តលើកិច្ចព្រមព្រៀងការពារការវិនិយោគវៀតណាម - សហភាពអឺរ៉ុប (EVIPA) ដោយបញ្ចុះបញ្ចូល EU ដកកាតលឿង IUU សម្រាប់ការនាំចេញអាហារសមុទ្រវៀតណាមឱ្យបានឆាប់ៗ; ពិចារណាបង្កើតលក្ខខណ្ឌអំណោយផលសម្រាប់ការផ្តល់ទិដ្ឋាការដល់ភ្ញៀវទេសចរវៀតណាម ដែលមកទស្សនាប្រទេសស៊ុយអែតក្នុងបរិបទដែលវៀតណាមបានលើកលែងទិដ្ឋាការ ជាឯកតោភាគីសម្រាប់ពលរដ្ឋស៊ុយអែតរួចទៅហើយ។

ភាគីទាំងពីរបានព្រមព្រៀងគ្នាក្នុងការទាញយកសក្តានុពល និងប្រៀបខ្លាំងរបស់ភាគីទាំងពីរឱ្យកាន់តែប្រសើរឡើង។ ពិភាក្សាអំពីបញ្ហាក្នុងតំបន់ និងអន្តរជាតិដែលមានការយកចិត្តទុកដាក់គ្នាទៅវិញទៅមក ភាគីទាំងពីរបានឯកភាពពង្រឹងការសម្របសម្រួលនិងការគាំទ្រគ្នាទៅវិញទៅមកនៅវេទិកាពហុភាគី ដើម្បីជំរុញការដោះស្រាយជម្លោះ និងវិវាទដោយសន្តិវិធី ឈរលើការគោរពធម្មនុញ្ញអង្គការសហប្រជាជាតិ និងច្បាប់អន្តរជាតិ; ជំរុញពាណិជ្ជកម្មសេរី អភិវឌ្ឍន៍ប្រកបដោយចីរភាព និងវិបុលភាពពិភពលោក។

ក្នុងក្របខ័ណ្ឌនៃដំណើរទស្សនកិច្ចនេះ អនុប្រធានរដ្ឋ លោកស្រី Vo Thi Anh Xuan បានជួបជាមួយអ្នកជំនាញ និងមិត្តភក្តិស៊ុយអែត ដែលបានរួមចំណែកជាវិជ្ជមានដល់ទំនាក់ទំនងរវាងប្រទេសទាំងពីរ; ជួបសំណេះ សំណាលជាមួយបុគ្គលិកស្ថានទូត និងសហគមន៍វៀតណាមនៅប្រទេសស៊ុយ អែតផងដែរ៕