ក្នុងដំណើរទស្សនកិច្ចនេះ
អនុរដ្ឋមន្ត្រី លោកស្រី Le Thi Thu Hang និងគណៈប្រតិភូបានជួបពិភាក្សាការងារជាមួយថ្នាក់ដឹកនាំក្រសួង
ស្ថាប័ននិងមូលដ្ឋាន ព្រមទាំងបានទៅទស្សនាសហគមន៍ប្រជាជនដើមកំណើត វៀតណាមកំពុងរស់នៅរាជធានីភ្នំពេញ
និងខេត្តព្រះសីហនុនៃភាគនិរតីប្រទេសកម្ពុជា។
ក្នុងជំនួបពិភាក្សាការងារជាមួយអាជ្ញាធរមូលដ្ឋាន លោកស្រីអនុរដ្ឋមន្ត្រី Le
Thi Thu Hang បានបញ្ជាក់យ៉ាងច្បាស់ថា
សហគមន៍ប្រជាជនដើមកំណើតវៀតណាមនៅកម្ពុជាជាសហគមន៍វ័យក្មេងដែលមានសមាសភាពនៃមនុស្សវ័យធ្វើការ
និងកុមារក្នុងវ័យសិក្សាភាគច្រើន
ដោយមានបំណងចង់រួមចំណែកជាវិជ្ជមានក្នុងការអភិវឌ្ឍសេដ្ឋកិច្ច-សង្គមរបស់កម្ពុជា។
ឈរលើមូលដ្ឋាននោះ លោកស្រីអនុរដ្ឋមន្ត្រីសង្ឃឹមថា
អាជ្ញាធរកម្ពុជានឹងបន្តយកចិត្តទុកដាក់ និងអនុវត្តរាល់គោល
នយោបាយដើម្បីបង្កលក្ខណៈងាយស្រួលសម្រាប់ប្រជាជនដើមកំណើតវៀតណាម រស់នៅដោយស្របច្បាប់
ធានាបានសិទ្ធិចូលរៀនរបស់កុមារដែលមានដើមកំណើត វៀតណាម
បង្កើនការផ្សព្វផ្សាយដើម្បីឲ្យប្រជាជនយល់អំពីបទ
ប្បញ្ញត្តិរបស់ប្រទេសកម្ពុជាលើឯកសារច្បាប់ ក៏ដូចជាការអនុវត្តច្បាប់។
ចំណែកថ្នាក់ដឹកនាំក្រសួងមហាផ្ទៃ
ក្រសួងការបរទេស និងសហប្រតិបត្តិការអន្តរជាតិកម្ពុជា
ថ្នាក់ដឹកនាំសាលាក្រុងភ្នំពេញនិងថ្នាក់ដឹកនាំខេត្តព្រះសីហនុ
បានវាយតម្លៃខ្ពស់ចំពោះការអភិវឌ្ឍជាក់ស្តែងកាន់តែខ្លាំងឡើងនៃទំនាក់ទំនងវៀតណាម-កម្ពុជា; បានអះអាងនូវគោលនយោបាយបង្កលក្ខណៈងាយស្រួលសម្រាប់ជនបរទេស
ក្នុងនោះមានប្រជាជនដើមកំណើតវៀតណាម រស់នៅប្រកបដោយស្ថិរភាព
ដោយស្មារតីគោរពតាមច្បាប់របស់កម្ពុជា៕
