នាព្រឹកថ្ងៃទី៦ មិថុនា នៅទីស្នាក់ការមជ្ឈិមបក្សកុម្មុយនិស្តវៀតណាម (ហាណូយ) លោកអគ្គលេខាបក្ស តូ ឡឹម បានអញ្ជើញជាអធិបតីកិច្ចប្រជុំរបស់ការិ យាល័យនយោបាយ និងគណៈលេខា ដើម្បីផ្តល់យោបល់លើវឌ្ឍនភាពនៃការអនុវត្ត សេចក្តីសម្រេចចិត្ត និងសេចក្តីសន្និដ្ឋានរបស់គណៈ
កម្មាធិការមជ្ឈិម និងការិយាល័យ នយោបាយស្តីពីការចាត់តាំងក្បាលម៉ាស៊ីនដឹកនាំនិងអង្គភាពរដ្ឋបាល។

ថ្លែងមតិក្នុងកិច្ចប្រជុំ លោកអគ្គលេខាបក្សបានស្នើឲ្យរក្សាដដែលចំនួនអង្គភាព និងចំនួនអនុប្រធាននៃភ្នាក់ងារនិងអង្គភាពនានា ធានាឱ្យមានការអនុវត្តត្រឹមត្រូវ តាមគម្រោងដែលបានអនុម័តនៅសន្និបាតមជ្ឈិមលើកទី ១១។

“គណៈកម្មាធិការបក្សខេត្ត ក្រុង ក្រោមឱវាទមជ្ឈិម ត្រូវយកចិត្តទុកដាក់បំពេញ ឲ្យបានល្អនូវការរៀបចំ និងចាត់តាំងកម្មាភិបាលស្របតាមគោលការណ៍ និងការ ណែនាំរបស់ថ្នាក់លើ ទន្ទឹមនឹងនោះបំពេញឲ្យបានល្អនូវការងារនយោបាយ សតិអា រម្មណ៍ របប និងគោលនយោបាយសម្រាប់កម្មាភិបាលដែលរងផលប៉ះពាល់។ លើស ពីនេះ ត្រូវពិនិត្យ ធ្វើស្ថិតិប្រគល់ភារកិច្ចឱ្យបានគ្រប់គ្រាន់ក្នុងរយៈពេលអន្តរកាល ដើម្បី កុំឱ្យខកខានការងារ និងមិនប៉ះពាល់ដល់សកម្មភាពធម្មតារបស់ប្រជាពលរដ្ឋ និង អាជីវកម្ម”។

លោកអគ្គលេខាបក្ស តូ ឡឹម ក៏បានស្នើឲ្យគណៈអចិន្ត្រៃយ៍នៃគណៈកម្មាធិការ បក្សខេត្ត ទីក្រុង ជាពិសេស ថ្នាក់ដឹកនាំ ម្ចាស់ការពិចារណា និងសម្រេចអំពី ពេលវេលាបញ្ចប់ការរៀបចំអង្គភាពរដ្ឋបាលគ្រប់លំដាប់ថ្នាក់ ហើយដាក់ឱ្យអង្គភាព និងស្ថាប័នថ្នាក់ខេត្ត និងឃុំ សង្កាត់ ដំណើរការចាប់ពីថ្ងៃទី១ ខែកក្កដា ខាងមុខ៕