នេះជាកម្មវិធីពន្លឿនពាណិជ្ជកម្មតិពិសេស រយៈពេលវែង និងតែមួយគត់នៅថ្នាក់ជាតិ។ ជាមួយនឹងគុណតម្លៃស្នូលនៃគុណភាព នវានុវត្តន៍ និងសមត្ថភាពដើរជួរមុខ កម្មវិធីនេះរួមចំណែកជួយសហគ្រាសក្នុងការកសាងម៉ាកយីហោដ៏រឹងមាំ លើកកំពស់កិត្យានុភាពសម្រាប់ទំនិញ និងសេវាកម្មរបស់វៀតណាមនៅលើទីផ្សារអន្តរជាតិ។ ជាពិសេស ក្នុងបរិបទនៃការផ្លាស់ប្តូរគំរូកំណើនដោយផ្អែកលើវិទ្យាសាស្ត្រ បច្ចេកវិទ្យា និងនវានុវត្តន៍ តួនាទីនៃម៉ាកយីហោជាតិកាន់តែមានភាពចំបាច់។ លោក Nguyen Sinh Nhat Tan អនុរដ្ឋមន្ត្រីក្រសួងឧស្សាហកម្ម និងពាណិជ្ជកម្មបានមានប្រសាសន៍ថា៖
“នវានុវត្តន៍គឺជាគន្លឹះក្នុងការលើកកម្ពស់ផលិតភាព គុណភាព និងបង្កើតភាពខុសគ្នាប្រកបដោយនិរន្តរភាព នៅក្នុងបរិយាកាសពិភពលោកដែលមានការប្រកួតប្រជែងខ្ពស់។ ក្នុងបរិបទនៃការអភិវឌ្ឍន៍បច្ចេកវិទ្យាយ៉ាងខ្លាំង សេដ្ឋកិច្ចឌីជីថលរីករាលដាល និងនិន្នាការនៃការប្រើប្រាស់បៃតង ស្អាត និងឆ្លាតវៃ សហគ្រាសវៀតណាមចាំបាច់ត្រូវសម្របខ្លួនយ៉ាងសកម្ម និងដើរជួរមុខក្នុងការច្នៃប្រឌិត នវានុវត្តន៍។ ដោយមានការយកចិត្តទុកដាក់របស់រដ្ឋ និងការខិតខំប្រឹងប្រែងរបស់សហគ្រាស ម៉ាកយីហោជាតិវៀតណាមនឹងបន្តអភិវឌ្ឍយ៉ាងខ្លាំងក្លា រួមចំណែកជាក់ស្តែងក្នុងបុព្វហេតុឧស្សាហូបនីយកម្ម និងទំនើបកម្មរបស់ប្រទេសជាតិ”។
នៅឆ្នាំ ២០២៤ តម្លៃនៃម៉ាកយីហោជាតិរបស់វៀតណាមមានតម្លៃ ៥០៧ ពាន់លានដុល្លារអាមេរិក ជាប់ចំណាត់ថ្នាក់ទី ៣២ នៅលើពិភពលោក កើនឡើង ១កាំបើធៀបនឹងឆ្នាំ ២០២៣៕
