និស្ស័យនាំនារីពិការនេះ មកជាមួយនឹងស្នាដៃសិល្បៈធ្វើអំពីសម្បកខ្យង គឺក្នុងលើកមួយ មានមិត្តមកពីប្រទេសអង់គ្លេស បាននាំយកសម្បកខ្យងជូននារីត្រឹនធីង៉ុកហ៊ីវ (Tran Thi Ngoc Hieu) ទុកធ្វើរូបគំនូរ មុននោះបងស្រីចេះធ្វើផលិតនូវរូបគំនូរថ្មត្បូង។ តាមការស្វែងយល់ បងស្រីហ៊ីវ (Hieu) ទើបដឹងរូបគំនូរសម្បកខ្យង ជាផលិតផលល្បីល្បាញជាយូរលុងណាស់មកហើយ នៃភូមិនេសាទមាត់សមុទ្រ នៅប្រទេសអង់គ្លេស។ ជាមួយនឹងបទពិសោធន៍សាងរូបគំនូរបន្សល់ទុកមកកាលពីមុននោះ បងស្រីបានសហការជោគជ័យនឹងមិត្តជនជាតិអង់គ្លេសម្នាក់ ដើម្បីធ្វើសម្រេចនូវផ្ទាំងគំនូរសម្បកខ្យងក្នុងរង្វង់មួយខែ។
ចាប់តាំងពីការសាងផ្ទាំងគំនូរជូនមិត្តម្នាក់នោះ បងស្រីត្រឹនធីង៉ុកហ៊ីវ (Tran Thi Ngoc Hieu) យល់ឃើញថាប្រភពសម្បកខ្យង នៅវៀតណាមក៏សម្បូរបែបណាស់ ទើបចាប់ពីឆ្នាំ២០១៤ បងស្រីកាន់ធ្វើបន្ថែមនូវផលិតផលមកអំពីសម្បកខ្យង។ សព្វថ្ងៃ ផលិតផលធ្វើអំពីសម្បកខ្យង របស់បងស្រីហ៊ីវ (Hieu) សម្បូរបែបគ្រាន់បើ ដូចជា៖ រូបគំនូរ ប្រអប់អលង្ការ ផ្កាក្នុងពិធីមង្គល ប្រអប់ទុកស្លាបផ្កា ក្រឡផ្កាជាដើម។
 ត្រូវពិការជើងទាំងគូនិងដៃខាងឆ្វេង ប៉ុន្តែជាមួយការចំណូលចិត្តលើរូបគំនូរសិល្បៈ នារីពិការ ត្រឹនធីង៉ុកហ៊ីវ (Tran Thi Ngoc Hieu) បានកម្លាយសម្បកខ្យងអត់វិញ្ញាណទៅជាស្នាដៃសិល្បៈពិសេស។  បច្ចុប្បន្ន បងស្រី ហ៊ីវ (Hieu) មានខ្យងចំនួន៧០ប្រភេទ សម្បូរបែបទាំងពណ៌សម្បុរ ដែលមានឈ្មោះដូចជា៖ គ្រំ ខ្យងសុដន ខ្យងថ្មជាដើម។    សម្បកខ្យងបានរកមកពីប្រភពច្រើន ជួនកាលបងស្រីធ្វើដំណើរទៅដល់ភូមិនេសាទមាត់សមុទ្រ សួររកទិញ ជួនឪពុកម្តាយ និង សាច់ញាតិជិតស្និទ្ធ បន្ទាប់ពីទៅទេសចរណ៍យកមកជូនបងស្រី។  ត្រូវពិការជើងទាំងគូ និង ដៃឆ្វេង ប៉ុន្តែបងស្រីនៅតែមានភាពប៉ិនប្រសប់លើសម្បកខ្យងទាំងនេះ។  ដំណាក់កាលទាមទារភាពផ្ចិតផ្ចង់ និង កែវភ្នែកវិចិត្រសិល្បៈ។  ពីសម្បកខ្យងអត់វិញ្ញាណ តាមរយៈថ្វីដៃរបស់បងស្រីហ៊ីវ (Hieu) មួយស្របក់ក្លាយជាបុប្ផាមួយទង។ |
ដោយសារផលិតផលសិល្បៈមកពីសម្បកខ្យង ប្រការសំខាន់បំផុតនៅតែជាប្រភពវត្ថុធាតុសម្បកខ្យង។ សព្វថ្ងៃ បងស្រីហ៊ីវ (Hieu) មានសម្បកខ្យងចំនួន៧០ប្រភព សម្បូរបែបទាំងពណ៌សម្បុរ ដែលឈ្មោះដូចជា៖ គ្រំ ខ្យងសុដន ខ្យងថ្មជាដើម បានប្រមូលមកពីប្រភពច្រើន ជូនកាលបងស្រីអញ្ជើញទៅភូមិនេសាទមាត់សមុទ្រ សួររកទិញ ជួនឪពុកម្តាយ និង សាច់ញាតិជិតស្និទ្ធ បន្ទាប់មកពីទេសចរណ៍ យកទៅជូនបងស្រី។
បងស្រី ហ៊ីវ (Hieu) ចែករំលែកថា៖ “ពេលធ្វើការងារនេះ បងស្រីហ៊ី (Hieu) ឃើញថាខ្លួនទំនាក់ទំនងបានជាមួយមនុស្សយ៉ាងច្រើន ជាងនេះទៀតឃើញការងាររបស់ខ្លួន បំពេញសម្រស់បន្ថែមជូនបរិស្ថាន ជាមួយវត្ថុធាតុគ្មានជាតិពុល វត្ថុអត់វិញ្ញាណ ហាក់ដូចជាត្រូវបោះបង់ចោល ឬត្រូវកប់បន្លិចទៅ បានខ្ញុំប្រើធ្វើជាផលិតផលស្អាត ក៏មានអារម្មណ៍ថាសប្បាយចិត្តដែរ”។
ក្នុងចំណោមផលិតផលធ្វើអំពីសម្បកខ្យង ផលិតផលរូបគំនូរខ្យង គឺពិបាកសាងបំផុត ពីព្រោះតែងធ្វើទៅតាមជំនោរអារម្មណ៍ មិនបានគូរពង្រាងតាមគំនិតសម្រាប់ផលិតផលនោះទេ។ បណ្តាប្រធានបទ ដែលបងស្រីហ៊ីវ (Hieu) សាងបង្ហាញនៅលើផ្ទាំងរូបគំនូរខ្យង គឺឆ្នេរសមុទ្រស្រស់បំព្រង ឬថូរផ្កា ហើយពិសេសសែនចូលចិត្តនូវរូបគំនូរឈើឆ្កាងបំផុត។
យោងតាមរូបគំនូរ ដែលមានចំនួន ពណ៌ រូបរាងសម្បកខ្យងបានប្រើផ្សេងៗគ្នា។ ផ្ទាំងគំនូរមានខឿនជាកម្ទេចសម្បកខ្យង នឹងបង់ពេលវេលាបុកបំបែកសម្បកខ្យង ទុករោយបិទធ្វើជាស្រទាប់កម្ទេចសម្បកខ្យង បន្ទាប់មកផ្សំពណ៌សម្បកខ្យង ធ្វើដូចម្តេចមើលទៅជក់ចិត្ត សមស្រប់នឹងប្រធានបទបម្រុងនឹងធ្វើ ហើយបិទភ្ជាប់វា។ តាមធម្មតាបងស្រីហ៊ីវ (Hieu) នឹងផ្សំទាំងពីរប្រភេទសម្បកខ្យងរឹង និង ទន់ បង្កើតបានភាពស៊ីជម្រៅធម្មជាតិនៃផ្ទាំងគំនូរ ជាពិសេសការងារបង្កើតរូបរាងត្របកផ្កា។ តាមជំនោរចិត្ត ពេលធ្វើរួចស្រេច បងស្រីអាចគូរបន្ថែមស្លាកស្នាមបន្តិចបន្តួចទៅលើស្នាដៃ មើលទៅជក់ចិត្តខ្លាំង។
បច្ចុប្បន្ន ស្ទើទាំងអស់ស្នាដៃ របស់បងស្រីហ៊ីវ (Hieu) សុទ្ធតែបានមិត្តភក្តិឧទ្ទេសនាម និង អតិថិជនជាច្រើនស្វែងរកទិញតាម fanpage: https://www.facebook.com/tranhdaquycuahieu។ ផលិតផលធ្វើអំពីសម្បកខ្យង បានលក់ជាមួយតម្លៃចាប់ពី៣០០ពាន់ដុង រហូតដល់៤លានដុង៕
ស្នាដៃអនុស្សាវរីយ៍ធ្វើអំពីសម្បកខ្យងមួយចំនួន របស់បងស្រីត្រឹនធីង៉ុកហ៊ីវ (Tran Thi Ngoc Hieu)៖             |
អត្ថបទ៖ ង៉ឹនហា រូបថត៖ ង្វៀនឡឹន
