យោងតាមគេហទំព័រ fibre2fashion.com ក្រុមហ៊ុនផលិតវាយនភណ្ឌនិងកាត់ដេរវៀតណាមកំពុងវិនិយោគលើម៉ាស៊ីនស្វ័យប្រវត្តិ ឌីជីថលភាវូបនីយកម្ម និងការអនុវត្តប្រកបដោយនិរន្តរភាព ដើម្បីបង្កើនប្រសិទ្ធភាព ផលិតភាព និងគុណភាពក្នុងដំណើរការផលិតកម្ម។ ទន្ទឹមនឹងនេះ វៀតណាមបន្តធ្វើពិពិធកម្មទីផ្សារនាំចេញក្រៅពីសហរដ្ឋអាមេរិក និងសហភាពអឺរ៉ុប (EU) ដោយធ្វើអាជីវកម្មទីផ្សារថ្មីនៅអាស៊ី អាហ្វ្រិក និងមជ្ឈិមបូព៌ា។  ជាមួយគ្នានោះ កិច្ចព្រមព្រៀងពាណិជ្ជកម្មជាយុទ្ធសាស្ត្រក៏ដើរតួនាទីយ៉ាងសំខាន់ក្នុងកំណើនការនាំចេញផងដែរ។

ដូចគ្នាដែរ គេហទំព័រ financialmiddleeast.com (អេមីរ៉ាតអារ៉ាប់រួម) វាយតម្លៃថា វៀតណាមបន្តជា “តំណភ្ជាប់” ដ៏សំខាន់នៅក្នុងខ្សែសង្វាក់ផ្គត់ផ្គង់ពិភពលោក។ សេដ្ឋកិច្ចអាស៊ីអាគ្នេយ៍ ជាពិសេសវៀតណាម ឥណ្ឌូនេស៊ី និងហ្វីលីពីន ទទួលបានអត្ថប្រយោជន៍ពីការផ្លាស់ប្តូរខ្សែសង្វាក់ផ្គត់ផ្គង់។ ទិន្នផលផលិតកម្មរបស់វៀតណាមបានកើនឡើង ៨,១% នៅឆ្នាំនេះ។ នេះជាសក្ខីភាពដែលបញ្ជាក់ថា វៀតណាមកំពុងក្លាយជាផ្នែកមួយដ៏សំខាន់នៃខ្សែសង្វាក់ផ្គត់ផ្គង់ពិភពលោក៕