នៅខេត្តអានយ៉ាង គណៈកម្មាធិការដឹកនាំ ៥១៥ នៃយោធផូមិភាគទី ៩ បានរៀបចំពិធីចេញដំណើរ និងប្រគល់ភារកិច្ចដល់ក្រុម K៩០ (ស្នងការនយោបាយនៃយោធភូមិ)។ ថ្លែងនៅក្នុងពិធីនេះ លោកវរសេនីយ៍ឯក ង្វៀន ធុកលីញ អនុប្រធានស្នងការនយោបាយនៃយោធភូមិភាគីទី ៩ និងជាអនុប្រធានគណៈអចិន្ត្រៃយ៍នៃគណៈកម្មាធិការដឹកនាំ ៥១៥ នៃយោធភូមិភាគីទី ៩ បានសង្កត់ធ្ងន់ថា៖ «ក្នុងការស្វែងរកនៅកម្ពុជា គឺយើងដឹងស្រាប់ហើយ នៅពេលស្វែងរកនៅជើងភ្នំ គួរតែយកចិត្តទុកដាក់ នៅពេលមានភ្លៀងធ្លាក់គឺងាយបាត់បងសុវត្តិភាព។ បញ្ជាការរបស់ក្រុមត្រូវតែក្រើនរំលឹកដល់បងប្អូនគ្រប់គ្នាឱ្យធានាសុវត្ថិភាព។ យើងកំពុងអនុវត្តបេសកកម្មនេះក្នុងរដូវវស្សា ដូច្នេះយើងត្រូវតែហ្មត់ចត់ និងធានាសុវត្ថិភាពដាច់ខាត»។
នៅក្នុងពិធីចេញដំណើរដែលរៀបចំឡើងដោយគណៈកម្មាធិការដឹកនាំ ៥១៥ ខេត្តដុងថាប នៅព្រឹកថ្ងៃទី ៤ ខែកញ្ញា លោក ហ្វីញ មិញទួន អនុប្រធានគណៈកម្មាធិការប្រជាជនខេត្តដុងថាប បានណែនាំដល់នាយទាហាន និងយុទ្ធជននៃក្រុម K៩១ ឲ្យ «ម្ចាស់ការបង្កើតប្រភពព័ត៌មាន» ជួបជាមួយសាក្សីដើម្បីប្រមូល និងផ្ទៀងផ្ទាត់ព័ត៌មានអំពីយុទ្ធជនពលី ដោយមានបាវចនា «ដរាបណាមានព័ត៌មានគឺនៅតែផ្ទៀងផ្ទាត់ ដរាបណាមានស្លាកស្នាមគឺនៅតែស្វែងរក ដរាបណាមានយុទ្ធជនពលីមិនទាន់បានត្រឡប់មកវិញ គឺភារកិច្ចមិនទាន់បញ្ចប់ឡើយ»។ បន្ទាប់ពីពិធីចេញដំណើរ នាយទាហាននិងយុទ្ធជននៃក្រុម K៩១ បានទៅកាន់ប្រទេសកម្ពុជាដើម្បីបំពេញបេសកកម្ម៕
