ជាមួយនឹងផ្ទៃដីជាង២០០០គីឡូម៉ែត្រការេ ប្រជាជនជាង១៣ពាន់នាក់ ស្រូបយក GDP ជាង២២%នៃទូទាំងប្រទេស ទីក្រុងហូជីមិញជាមជ្ឈមណ្ឌលសេដ្ឋកិច្ចធំបំផុតវៀតណាម។ ការអភិវឌ្ឍជាមួយនឹងល្បឿនយ៉ាងលឿន ក៏ជាបុព្វហេតុសម្រាប់ទីក្រុងហូជីមិញ ក្លាយទៅជាទីក្រុងរុងរឿង នៃតំបន់អាស៊ីអាគ្នេយ៍។
កាសែតរូបភាពវៀតណាម សូមគោរពឧទ្ទេសនាមគំហើញពីអាកាសអំពីទីក្រុងហូជីមិញមួយ ពោរពេញដោយថាមពលនិងការអភិវឌ្ឍ របស់សិល្បករ ថតរូប យ៉ាង សើនដុង (Giang Son Dong)៖
ចំណត់កំពង់ផែញ៉ារ៉ុង (Nha Rong) ដំបូងជាកំពង់ផែពាណិជ្ជកម្មធំមួយនៅភូមិភាគខាងត្បូងវៀតណាម បានកសាងចាប់ពីឆ្នាំ១៨៦៤ នៅក្បែរទន្លេសាយហ្គន។ ចំណត់កំពង់ផែញ៉ារ៉ុង (Nha Rong) ជាទីកន្លែង ដែលលោកប្រធានហូជីមិញ ធ្វើដំណើរចេញទៅស្វែងរកមាគ៌ារំដោះជាតិ។ សព្វថ្ងៃ កំពង់ផែញ៉ារ៉ុង (Nha Rong) ជាទីកន្លែងទាក់ទាញភ្ញៀវទេសចរណ៍។ រូបថត៖ យ៉ាង សើនដុង កំពង់ផែកាតឡាយ (Cat Lai) ស្ថិតនៅលើទន្លេដុងណាយ (Dong Nai) ជាកំពង់ផែមួយក្នុងចំណោមកំពង់ផែសំខាន់ នៃប្រព័ន្ធកំពង់ផែតំបន់ទីក្រុងហូជីមិញ ចំណុះការគ្រប់គ្រងនៃអគ្គក្រុមហ៊ុនតឹនកាង (Tan Cang) សាយហ្គន។ កំពង់ផែកាតឡាយ (Cat Lai) ជាកំពង់ container អន្តរជាតិធំ និងទំនើបបំផុតវៀតណាម ឈរក្នុងចំណោម២៥កំពង់ផែលំដាប់ពិភពលោក ជាមួយនឹងទីផ្សារ container នាំចេញចូល ស្រូបយកលើ៩០% នៃតំបន់ភូមិភាគខាងត្បូងវៀតណាមនិងជិត៥០%ទីផ្សារទូទាំងប្រទេស។ រូបថត៖ យ៉ាង សើនដុង ស្ពានយោងខ្សែកាប់ភូមីហឹង (Phu My Hung) តភ្ជាប់ខណ្ឌ២ ខណ្ឌ៧ និងខណ្ឌ៩ សម្ពោធឆ្លងនៅឆ្នាំ២០០៩។ ស្ពានជាផ្លូវមួយក្នុងចំណោមផ្លូវតភ្ជាប់ទីប្រជុំជនថ្មីធូធិម (Thu Thiem) និងតំបន់ទីប្រជុំជនភូមីហឹង (Phu My Hung) ។ រូបថត៖ យ៉ាង សើនដុង កសាងផ្លូវ metro ទី១នៅខណ្ឌ១។ ផ្លូវ metro នេះជាផ្លូវតភ្ជាប់ពី Depot ឡុងប៊ិញ (Long Binh) (ខណ្ឌ៩និងប៊ិញយ៉ឿង - Binh Duong) រហូតដល់ចំណត់មជ្ឈមណ្ឌលបេនថាញ (Ben Thanh) (ខណ្ឌ១)។ សំណង់នេះ ជានិមិត្តរូប វាយតម្លៃការបង្វែខ្លួនវិវឌ្ឍន៍នៃទីក្រុងហូជីមិញសព្វថ្ងៃ និងទៅអនាគត។ រូបថត៖ យ៉ាង សើនដុង ផ្លូវជាតិ ផាម វ៉ាន់ដុង (Pham Van Dong) ចំណុះផ្លូវខ្សែក្រវាត់លេខ១ នៅទីក្រុងហូជីមិញ ចាប់ផ្តើមពីព្រលានយន្តហោះអន្តរជាតិ តឹនសើនញ៉ឹត (Tan Son Nhat) រហូតទៅដល់ផ្លូវបំបែកជាបួន ឡិញស្វឹន (Linh Xuan) ចំណុះខណ្ឌធូឌឹក (Thu Duc)។ នេះជាផ្លូវខាងក្នុងទីប្រជុំជនដែលស្រស់ស្អាតបំផុតទីក្រុង បានធ្វើសម្រេចនៅឆ្នាំ២០១៥។ ផ្លូវមានសរុបទុនវិនិយោគ គឺ៣៤០លានអាមេរិក សាងសង់ដោយសម្ពន្ធក្រុមហ៊ុន GS (Engineering Contruction - កូរ៉េខាងត្បូង) ផ្តើមសាងសង់នៅខែឧសភា ឆ្នាំ២០០៨។ នេះក៏ជាគម្រោងការដំបូងបង្អស់នៅវៀតណាម បានវិនិយោគិនបរទេសមកសាងសង់តាមទម្រង់រូបភាព BT (កសាងនិងផ្តល់ជូន)។ រូបថត៖ យ៉ាង សើនដុង អគ្គក្រុមហ៊ុនតឹនកាង (Tan Cang) សាយហ្គន បានក្លាយជាអ្នកអាជីវកម្មកំពង់ផែ container ជំនាញ ទំនើប និងធំបំផុតវៀតណាម ជាមួយនឹងសេវាកម្មអាជីវកម្មកំពង់ផែដូចជា៖ សេវាកម្មរៀបដាក់ទំនិញ សេវាកម្ម Logistics សេវាកម្មនាវាចរណ៍ សង្គ្រោះ អ្នកនាំផ្លូវ អចលនទ្រព្យ អគារការិយាល័យខ្ពស់ៗ សាងសង់សំណង់ស៊ីវិល និងយោធាជាដើម។ល។ ព្រមទាំងដឹកជញ្ជូនសម្បូររូបភាព។ រូបថត៖ យ៉ាង សើនដុង ប្រសព្វផ្លូវបំបែកជាបួនកាតឡាយ (Cat Lai) ផ្លូវច្រកចូលទីក្រុងហូជីមិញ បានសាងសង់ទំនើប មានច្រើនគន្លងផ្លូវ។ រូបថត៖ យ៉ាង សើនដុង មហាវិថី ង្វៀន វ៉ាន់ឡិញ (Nguyen Van Linh) មានប្រវែងសរុប១៧,៨គីឡូម៉ែត្រ តភ្ជាប់ផ្លូវ ហ្វិញ តឹនផាត (Huynh Tan Phat) ខណ្ឌ៧ រហូតដល់ផ្លូវជាតិលេខ១អា។ មហាវិថី បានឡើងផែនការកំណត់ប្រវែងទទឹងផ្លូវចំនួន១២០ម៉ែត្រ រួមមានគន្លងផ្លូវឡាន១០ ស្ពាន១០ ជាមួយនឹងសរុបថវិកាវិនិយោគប្រហែល១០០លានដូល្លាអាមេរិក។ មហាវិថីនេះ បានចាត់ទុកជាផ្លូវសំខាន់ដែលមានអត្ថន័យ ចំពោះការអភិវឌ្ឍសេដ្ឋកិច្ចសម្រាប់តំបន់ភូមិភាគខាងត្បូងនៃទីក្រុងហូជីមិញ តភ្ជាប់នឹងសំណង់សំខាន់ៗជាច្រើនដូចជា៖ តំបន់ច្នៃផលិត តឹនធ្វឹន (Tan Thuan) តំបន់ទីប្រជុំជនភូមីហឹង (Phu My Hung) តំបន់ឧស្សាហកម្មហេបផឿក (Hiep Phuoc) តំបន់ទីប្រជុំជនកំពង់ផែហេបផឿក (Hiep Phuoc) កំពង់ផែហេបផឿក (Hiep Phuoc) ស្ពានភូមីហឹង (Phu My Hung) និងតំបន់ទីប្រជុំជនថ្មីធូធិម (Thu Thiem)។ រូបថត៖ យ៉ាង សើនដុង ទីក្រុងហូជីមិញភ្លឺផ្លេកនាពេលរាត្រី។ រូបថត៖ យ៉ាង សើនដុង ខណ្ឌ២ ជាខណ្ឌខាងក្នុងទីក្រុង ស្ថិតនៅទិសខាងកើតទីក្រុងហូជីមិញ ដែលមានទីតាំងនិងលក្ខណៈងាយស្រួលក្លាយជាទីប្រជុំជនថ្មីមួយ។ ជាតម្រុយចរាចរណ៍ខាងផ្លូវគោក ផ្លូវដែកក្នុងទីប្រជុំជន ផ្លូវទឹកតភ្ជាប់ទីក្រុងជាមួយនឹងខេត្តដុងណាយ (Dong Nai) ប៊ិញយឿង (Binh Duong) បារៀ - វូងតាវ។ ខណ្ឌ២ ជាខណ្ឌថ្មីទើបបាននគរូបនីយកម្ម ទៅអនាគតជិតនឹងជាមជ្ឈមណ្ឌលពាណិជ្ជកម្ម ហិរញ្ញវត្ថុថ្មី របស់ទីក្រុងហូជីមិញ។ រូបថត៖ យ៉ាង សើនដុង ប្រព័ន្ធផ្លូវគោករបស់ទីក្រុងហូជីមិញច្រើនស្អេកស្អះ មានប្រវែងសរុបជាង៤ពាន់គីឡូម៉ែត្រ ជាទីក្រុងដែលមានប្រព័ន្ធចរាចរណ៍ផ្លូវគោកធំបំផុត ក្នុងចំណោមទីក្រុងនៅវៀតណាម។ រូបថត៖ យ៉ាង សើនដុង ទេសភាពទីក្រុងហូជីមិញសំឡឹងមើលពីទន្លេសាយហ្គន។ រូបថត៖ យ៉ាង សើនដុង ខណ្ឌ១ជាខណ្ឌមជ្ឈមណ្ឌលនៃទីក្រុងហូជីមិញ។ ស្ថាបនរដ្ឋអំណាច ស្ថានទូតប្រទេសនានា និងអគារខ្ពស់ៗសុទ្ធតែបានប្រមូលផ្តុំនៅខណ្ឌ១។ ខណ្ឌ១បានចាត់ទុកជាទីកន្លែងរុងរឿងសម្បូរសប្បាយ មានកម្រិតរស់នៅខ្ពស់នៃទីក្រុងអំពីគ្រប់មធ្យោបាយ។ ផ្លូវដុងខើយ (Dong Khoi) និងផ្លូវថ្មើរជើង ង្វៀនហ្វេ (Nguyen Hue) ជាតំបន់ប្រជុំពាណិជ្ជកម្មសំខាន់របស់ខណ្ឌ។ រូបថត៖ យ៉ាង សើនដុង ទីស្តីការគណៈកម្មាធិការប្រជាជនទីក្រុងហូជីមិញ ជាសំណង់មួយក្នុងចំណោមសំណង់ស្ថាបត្យកម្មបុរាណ ដែលជានិមិត្តរូបនៃទីក្រុង បានកសាងចាប់ពីឆ្នាំ១៨៩៨ រហូតដល់១៩០៩ តាមរចនបទ Rococo បង្កើតដោយស្ថាបត្យករ Femand Gardès រចនាត្រាបតាមបែបនៃជាន់ដំបូលជួងនៅភាគខាងជើងនៃប្រទេសបារាំង។ បន្ទាប់ពីថ្ងៃឯកភាពទឹកដីនាឆ្នាំ១៩៧៥ រហូតដល់សព្វថ្ងៃ អគារនេះជាទីកន្លែងធ្វើការ របស់គណៈកម្មាធិការប្រជាជនទីក្រុងហូជីមិញ។ រូបថត៖ យ៉ាង សើនដុង |
សិល្បករថតរូប យ៉ាង សើនដុង (Giang Son Dong) កើតឆ្នាំ១៩៧៣ ស្រុកកំណើតនៅឃុំអានដុង (An Dong) ស្រុកអានយឿង (An Duong) ខេត្តហាយភង់ (Hai Phong) សព្វថ្ងៃកំពុងរស់នៅនិងធ្វើការនៅទីក្រុងហូជីមិញ។ សិល្បករ ថតរូប យ៉ាង សើនដុង (Giang Son Dong) ចូលសកម្មភាពថតរូប និងចូលរួមការប្រឡងធំៗចាប់តាំងពីឆ្នាំ២០១៧ ទទួលបានរង្វាន់រូបថតក្នុងស្រុកនិងអន្តរជាតិដូចជាមេដាយប្រាក់ Vapa VN ឆ្នាំ២០១៧ មេដាយសំរិទ្ធ Vapa ជាតិឆ្នាំ២០១៨ រង្វាន់លេខពីរវៀតណាមសំឡឹងពីអាកាស២០១៩ ជាដើម។ល៕ |
អនុវត្តន៍៖ យ៉ាង សើនដុង