ថ្ងៃបុណ្យ “ជំរុញសិក្សាអប់រំរួមបញ្ចូល និង សមត្ថភាពដឹកនាំ សម្រាប់ជនពិការ” ទើបបានប្រព្រឹត្តទៅនៅអគារបៃតង នៃអង្គការសហប្រជាជាតិ លេខ៣០៤ គីមម៉ា (Kim Ma) ខណ្ឌបាឌិញ (Ba Dinh) ក្រុងហាណូយ។ នេះជាព្រឹត្តិការណ៍មួយ មានលក្ខណៈមនុស្សធម៌ជ្រាលជ្រៅ បង្កើតដោយមូលនិធីប្រជាសាស្រ្តនៃអង្គការសហប្រជាជាតិប្រចាំនៅប្រទេសវៀតណាម (UNFPA) ជាមួយគោលបំណងផ្សព្វផ្សាយតម្លៃសិក្សាអប់រំ និង ការរួមបញ្ចូលមិនត្រឹមតែនៅប្រទេសវៀតណាមទេ គឺនៅទាំងលើពិភពលោកទៀតផង។
បច្ចុប្បន្ន សហគមន៍ជនពិការស្រូបយកប្រហែល១៥%នៃចំនួនប្រជាជនទូទាំងពិភពលោក។ នៅប្រទេសវៀតណាម តួលេខនេះប្រហែលជិត៧%នៃចំនួនប្រជាជនទូទាំងប្រទេស ពោលគឺជិត៧លាននាក់។ សព្វថ្ងៃ ពួកគេត្រូវប្រឈមមុខនឹងបញ្ហាជាច្រើនក្នុងការសិក្សាអប់រំ ពលកម្ម និង ជីវភាពរស់នៅក្នុងសង្គម។ ទោះបី ឆ្លងកាត់គ្រប់ឧបសគ្គ និង គំនិតខ្ជាប់ខ្លួន ជនពិការបានខិតខំឈានឡើងមិនឈប់ឈរ នាំមកនូវគោលគំនិតលោតផ្លោះ និង ចូលរួមតម្លៃសម្រាប់សហគមន៍។
ខណៈនេះ មហាជនមិនត្រឹមតែមានឱកាសលើកកម្ពស់ការយល់ដឹងអំពីសិក្សាអប់រំរួមបញ្ចូលទេ នៅទាំងបានស្ដាប់នូវរឿងរ៉ាវដែលជនពិការចែករំលែកអំពីតួនាទីជាអ្នកដឹកនាំក្នុងបណ្តាវិស័យដូចជា ពាណិជ្ជកម្ម ស្មគ្រចិត្ត និង សុខាភិបាល។ នេះជាឱកាសសម្រាប់លើកកម្ពស់សមិទ្ធផលនៃសហគមន៍ពិការជន បំផុសកម្លាំងចលករជំរុញការរួមបញ្ចូល និង រួមដំណើរដើម្បីសង្គមមួយយុត្តិធម៌ជាង។ នៅអគារបៃតង មានបរិយាកាសពិសោធន៍ពិសេសមួយ ដោយមានតាំងពិព័រណ៍ Photovoice បកបង្ហាញពីរូបភាពខិតខំប្រឹងប្រែងដើម្បីជីវិត និង ការរួមបញ្ចូលនៃពិការជន។
លោកស្រី Pauline Tamesis និយ័តករអចិន្រ្តៃយ៍នៃអង្គការសហប្រជាជាតិប្រចាំប្រទេសវៀតណាមបានសង្កត់ធ្ងន់៖ “អង្គការសហប្រជាជាតិប្រចាំនៅប្រទេសវៀតណាម សន្យារួមបញ្ចូលប្រព័ន្ធសិទ្ធិជនពិការនូវគ្រប់វិស័យការងារទាំងអស់។ យើងចូររួមដៃកសាងពិភពមួយលើកស្ទួយពិពិធ និង តម្លៃឯកជនម្នាក់ៗ”។
លោក Matt Jackson ប្រធានតំណាងមូលនិធីប្រជាសាស្រ្តនៃអង្គការសហប្រជាជាតិ ក៏អំពាវនាវការចូលរួមសកម្ម៖ “ភាពជាអ្នកដឹកនាំផ្តើមពីការរួមបញ្ចូល។ ចូរផ្តល់សិទ្ធិជូនពិការជន ស្ដាប់នូវភាសារបស់ពួកគេ និង ទទួលស្គាល់តួនាទីរបស់ពួកគេ ក្នុងការងារកំណត់រូបភាពនៅអនាគត។ ចូររួមសាមគ្គី ជួយគ្នាទៅវិញទៅមក ឆ្លងកាត់គ្រប់ឧបសគ្គ រួមដៃកសាងពិភពមួយរឹងមាំជាង”។
ថ្ងៃបុណ្យបានលើកស្ទួយឯកជនឆ្នើមក្នុងសហគមន៍ពិការជន ដូចជាមិត្ត ង្វៀន ធ្វីយជី (Nguyen Thuy Chi) នាយិការងនៃសហគ្រាសប៉ះបៃតង ចែករំលែក៖ “អ្វីដែលខ្ញុំមោទនភាពបំផុត គឺផលិតផលដែលយើងខ្ញុំច្នៃបង្កើតឡើងវិញ មកពីសំពត់ដូចជាខ្សែចងសក់ បន្តោងសោរ ឬវត្ថុអនុស្សាវរីយ៍ បានអ្នកប្រើប្រាស់ទទួលយកដោយសារគុណភាព មិនមែនដោយសារក្តីអាណិតស្រឡាញ់”។ បច្ចុប្បន្ន សហគ្រាសនេះ បង្កើតការងារធ្វើសម្រាប់ពលករពិការជាង៤០នាក់ និងរក្សាលំនឹងចំនួនលិខិតកក់ទំនិញ។ មិត្តង្វៀន ហាញង៉ឹន (Nguyen Hanh Ngan) អ្នកបច្ចេកទេសខាងធ្វើតេស្ត នៅមន្ទីរពេទ្យ Medlatec បានយកឈ្នះការសង្ស័យដំបូងអំពីលទ្ធភាពរបស់ខ្លួន។ អ្នកនាង ង៉ឹន (Ngan) អួលដើមកដោយសារអណ្តាតខ្លី ប្អូនរៀបរាប់៖ “ខ្ញុំតែងអត់ធ្មត់សម្រប និង បញ្ជាក់លទ្ធភាពតាមរយៈការងាររាល់ថ្ងៃ”។ អ្នកនាងង៉ឹន (Ngan) សព្វថ្ងៃបានផ្សារភ្ជាប់នឹងមន្ទីរពេទ្យជាង៣ឆ្នាំ និងជាតឹកតាងរស់ នៃកម្លាំងឈានឡើង។
ក្នុងបរិវេណនៃអគារបៃតង នៅមានតាំងផលិតផលសិប្បកម្មមួយចំនួន របស់ពិការជនមកពីសហគ្រាសប៉ះបៃតង និង សមាគមជនពិការភ្នែកវៀតណាម ទាក់ទាញការយកចិត្តទុកដាក់នៃភ្ញៀវទេសចរដែលបានអញ្ជើញមកចូលរួម។
ទន្ទឹមនោះ ឈុតសម្តែងសិល្បៈនៃពិការជនដូចជាឈុតសម្តែងរបស់ ង្វៀន ឌឹកថៀន (Nguyen Duc Thien) (វិទ្យាស្ថានតន្រ្តីជាតិ) ង្វៀន ថាវដាន (Nguyen Thao Dan) (វិទ្យាស្ថានយុវជនវៀតណាម) និង បងស្រី បេ ធីបាំង (Be Thi Bang) (សមាជិក នៃសមាគមយុវជនពិការជនវៀតណាម) នាំមកជំនោរអារម្មណ៍ពិសេសៗ។
ព្រឹត្តិការណ៍បញ្ចប់ជាមួយសារដ៏អត្ថន័យ៖ ចូររួមដៃកសាងសហគមន៍មួយ គ្មានរបងរារាំង ទីកន្លែងមនុស្សគ្រប់គ្នា ទោះបីស្ថានភាព ឬសមត្ថភាពណាក៏ដោយ សុទ្ធតែមានឱកាសវឌ្ឍន និង ចូលរួមអស់ពីចិត្ត៕
អត្ថបទ៖ ប៊ិចវឹន រូបថត៖ ឯកសារ
ប្រែសម្រួល៖ រីកើង
