ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ
ວັນທີ 28/2, ເມື່ອຕອບຄຳຖາມຂອງນັກຂ່າວກ່ຽວກັບເລື່ອງກະຊວງກະສິກຳ ຈີນ ໄດ້ປະກາດຢ່າງເປັນທາງການກ່ຽວກັບການປັບປຸງ ແລະ ນຳໃຊ້ກົດລະບຽບໃໝ່ກ່ຽວກັບການຢຸດຊົ່ວຄາວການຫາປາບົນທະເລ, ລະເມີດການໝູນໃຊ້ລວມມີບາງເຂດທະເລຂອງ ຫວຽດນາມ, ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ ເນັ້ນໜັກວ່າ: ຫວຽດນາມ ເດັດດຽວຄັດຄ້ານ ແລະ ປະຕິເສດກົດລະບຽບດັ່ງກ່າວຈາກຝ່າຍ ຈີນ. ຫວຽດນາມ ມີຫຼັກຖານນິຕິທຳ ແລະ ພະຍານຫຼັກຖານປະຫວັດສາດຢ່າງພຽງພໍເພື່ອຢັ້ງຢືນອະທິປະໄຕຂອງຕົນສຳລັບໝູ່ເກາະ ຮ່ວາງຊາ ກໍ່ຄືບັນດາສິດອັນຖືກຕ້ອງຕາມກົດໝາຍສຳລັບບັນດາບໍລິເວນທະເລຂອງ ຫວຽດນາມ ທີ່ໄດ້ກຳນົດໃຫ້ເໝາະສົມກັບສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982. ຂໍ້ຕົກລົງພຽງລຳພັງຝ່າຍດຽວນີ້ຂອງຈີນ ໄດ້ລະເມີດອະທິປະໄຕຂອງ ຫວຽດນາມ ສຳລັບໝູ່ເກາະຮ່ວາງຊາ ຢ່າງແຮງ, ລະເມີດບັນດາສິດ ແລະ ຜົນປະໂຫຍດນິຕິທຳຂອງ ຫວຽດນາມ ໃນເຂດທະເລຂອງຕົນ, ລະເມີດກົດໝາຍສາກົນ, ໃນນັ້ນມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 ແລະ ບັນດາເອກະສານນິຕິກຳສາກົນທີ່ກ່ຽວຂ້ອງ, ໄປຝືນກັບເນື້ອໃນຈິດໃຈຂອງຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕເວັນອອກ (DOC), ເຮັດໃຫ້ສະພາບການຢູ່ທະເລຕາເວັນອອກສືບຕໍ່ສັບສົນ ແລະ ເຄັ່ງຕຶງຂຶ້ນຕື່ມ.
(ແຫຼ່ງຄັດຈາກ VOV)
