ທ່ານນາຍົກລັດຖະມົນຕີ ຍີ່ປຸ່ນ Shinzo Abe
(ພາບ: : EPA/TTXVN)
ສຳນັກຂ່າວສານ TAAS ໄດ້ຄັດສະເໜີແຫຼ່ງຂ່າວຈາກສື່ມວນຊົນ ຍີ່ປຸ່ນ ໂດຍໃຫ້ຮູ້ວ່າ: ຄາດວ່າການຢ້ຽມຢາມລັດເຊຍ ໃນທ້າຍເດືອນ 4, ທ່ານນາຍົກລັດຖະມົນຕີ ຍີ່ປຸ່ນ Shinzo Abe ຈະລົງນາມໃນຂໍ້ຕົກລົງສຳຄັນ 20 ສະບັບໃນຂອບເຂດການຮ່ວມມືກັບ ລັດເຊຍ. ບັນດາຂໍ້ຕົກລົງນີ້ຂຶ້ນກັບຫຼາຍຂົງເຂດອື່ນໆ, ໃນນັ້ນມີສາທາລະນະສຸກ ແລະ ພະລັງງານ. ປະຈຸບັນ, 2 ປະເທດໄດ້ເປັນເອກະພາບກັນບັນດາເນື້ອໃນທີ່ຈະນຳມາປຶກສາຫາລືໃນການຢ້ຽມຢາມຈະມາເຖິງ. ລັດເຊຍ ແລະ ຍີ່ປຸ່ນ ພວມເພີ່ມທະວີຊຸກຍູ້ການຮ່ວມມືເສດຖະກິດ ການຄ້າ 2 ຝ່າຍ, ໂດຍບໍ່ຫົວຊາຕໍ່ບັນດາການຂັດແຍ້ງກ່ຽວກັບຜືນແຜ່ນດິນ. ກໍ່ໃນການຢ້ຽມຢາມ ລັດເຊຍ ໃນທ້າຍປີກາຍ, ທ່ານນາຍົກລັດຖະມົນຕີ ຍີ່ປຸ່ນ Shinzo Abe ກໍ່ສະເໜີແຜນການຮ່ວມມືເສດຖະກິດ 2 ຝ່າຍລວມມີ 8 ຂໍ້, ໃນນັ້ນລວມມີການຊຸກຍູ້ການພົວພັນ ລັດເຊຍ - ຍີ່ປຸ່ນ ໃນຂົງເຂດພະລັງງານ, ບັນດາວິສາຫະກິດຂະໜາດນ້ອຍ ແລະ ກາງ, ກໍ່ຄືພັດທະນາອຸດສາຫະກຳຢູ່ເຂດ ຕາເວັນອອກໄກລັດເຊຍ.
(ພາບ: : EPA/TTXVN)
(ແຫຼ່ງຄັດຈາກ VOV)
