ພາບປະກອບ
ຕອນເຊົ້າວັນທີ 30/4, ຢູ່ນະຄອນຫຼວງ ວຽງຈັນ, ກະຊວງປ້ອງກັນປະເທດ ລາວ ໄດ້ຈັດຕັ້ງງານໂຮມຊຸມນຸມສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ ຫວຽດນາມ ຢ່າງສົມບູນ, ໂຮມປະເທດຊາດເປັນເອກະພາບ (30/4/1975 – 30/4/2015) ຢ່າງສົມກຽດ. ເຂົ້າຮ່ວມງານໂຮມຊຸມນຸມ, ມີທ່ານພົນໂທ ຈັນສະໝອນ ຈັນຍາລາດ, ລັດຖະມົນຕີຊ່ວຍວ່າການກະຊວງປ້ອງກັນປະເທດ ລາວ, ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນແມ້ງຮູ່ງ ພ້ອມກັບພະນັກງານ, ພາລະກອນກະຊວງປ້ອງກັນປະເທດລາວ, ຜູ້ຕາງໜ້າກະຊວງປ້ອງກັນປະເທດ ຫວຽດນາມ ເປັນຈຳນວນຫຼວງຫຼາຍ. ໃນບົດກ່າວຄຳເຫັນທີ່ພິທີ, ທ່ານພົນໂທ ຈັນສະໝອນ ຈັນຍາລາດ, ລັດຖະມົນຕີຊ່ວຍວ່າການກະຊວງປ້ອງກັນປະເທດ ລາວ, ເນັ້ນໜັກວ່າ: ນີ້ແມ່ນເຫດການປະຫວັດສາດ, ການເມືອງ ແລະ ສັງຄົມສຳຄັນ ບໍ່ພຽງແຕ່ສຳລັບປະຊາຊົນ ຫວຽດນາມ ເທົ່ານັ້ນ, ຫາກຍັງມີຄວາມໝາຍສຳຄັນສຳລັບການປະຕິວັດ ລາວ, ກຳປູເຈຍ ກໍ່ຄືບັນດາປະເທດກ້າວໜ້າໃນໂລກອີກດ້ວຍ.
(ແຫຼ່ງຄັດຈາກ VOV)
