ທ່ານນາຍົກລັດຖະມົນຕີ ຫງວຽນຊວນຟຸກ
(ພາບປະກອບ)
ຕອນບ່າຍວັນທີ 6/12, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານ ກອງປະຊຸມທົ່ວປະເທດຜັນຂະຫຍາຍວຽກງານສັບຊ້ອນ, ປ່ຽນໃໝ່ລັດວິສາຫະກິດໄລຍະ 2016 – 2020. ນີ້ແມ່ນກອງປະຊຸມສຳຄັນ ເພື່ອແນໃສ່ຕີລາຄາສະພາບການສັບຊ້ອນ, ປ່ຽນໃໝ່, ສ້າງໂຄງປະກອບລັດວິສາຫະກິດຄືນໃໝ່ໄລຍະ 2011 – 2015 ແລະ ປຶກສາຫາລືຍົກອອກບັນດາມາດຕະການເພື່ອຊຸກຍູ້ວິວັດການສັບຊ້ອນ, ປ່ຽນໃໝ່ລັດວິສາຫະກິດໄລຍະ 2016 – 2020 ຢ່າງແທດຈິງ ແລະ ມີປະສິດທິຜົນກ່ວາອີກ. ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຊີ້ແຈ້ງວ່າ:(ພາບປະກອບ)
“ໜ້າທີ່ທຳອິດແມ່ນຕ້ອງກຳນົດຂົງເຂດໃດທີ່ລັດຄວນຄຸ້ມຄອງ ແລະ ຂົງເຂດໃດລັດຄວນຖອນອອກ. ທັດສະນະຊີ້ນຳແມ່ນບັນດາຂົງເຂດສາທາລະນະປະໂຫຍດ ແລະ ບາງຂົງເຂດຖືກປະລະໄຊໃນຕະຫຼາດ ລັດຕ້ອງມີບົດບາດຄອບງຳ. ບັນດາຂົງເຂດທີ່ຍັງເຫຼືອລັດຕ້ອງຖອນອອກຕາມອັດຕາເໝາະສົມ, ຫຼື ຖອນ 100% ເພື່ອໃຫ້ຕະຫຼາດຈັດແບ່ງແຫຼ່ງກຳລັງມີປະສິດທິຜົນກ່ວາ. ບົນຈິດໃຈນີ້ຕ້ອງຊາບຊຶມໃນວິວັດການກະກຽມຫັນເປັນຫຸ້ນສ່ວນ.”
ນາຍົກລັດຖະມົນຕີກໍ່ຈະເຊັນການປັບປຸງຂໍ້ຕົກລົງກ່ຽວກັບການປະກາດໃຊ້ມາດຕະຖານ, ຕາຕະລາງການຈັດປະເພດລັດວິສາຫະກິດພາຍຫຼັງກອງປະຊຸມນີ້.
(ແຫຼ່ງຄັດຈາກ VOV)