កាលពីដើម តំបន់ដីតឹនទ្រីវដាំតែដើមស្លាហូប។ នៅឆ្នាំ១៨៦៩ លោកឪនៅវិហារតឹនទ្រីវបាននាំយកដើមក្រូចត្លុងពីរដើម ពីប្រទេសប្រេស៊ីលមកដាំ ពេលផ្លែទុំ ពុះចេញឃើញអំពឹសរីកស្មើ ពណ៌លឿងទុំ ហូបទៅមានរសជាតិផ្អែមឆ្ងាញ់។ ចាប់ពីពេលនោះមក ប្រជាកសិករបំបៅមែកយកទៅដាំ ហើយពង្រីកដាំទូលាយនៅក្នុងតំបន់។ មកដល់សព្វថ្ងៃ កោះនេះបានក្លាយជាតំបន់ជំនាញដាំតែក្រូចត្លុង ពាណិជ្ជសញ្ញាក្រូចត្លុងតឹនទ្រីវ គឺជាផ្លែឈើពិសេសប្រចាំតំបន់ល្បីឈ្មោះគ្រប់ទីកន្លែងនៅក្នុងតំបន់ណាមបូ។
ពីឆ្នាំ២០០៦ មន្ទីរកម្មសិទ្ធបញ្ញានិងក្រសួងវិទ្យាសាស្រ្ត-បច្ចេកទេស បានផ្តល់លិខិតចុះឈ្មោះណែនាំភូមិសាស្រ្ត សម្រាប់ផលិតផលក្រូចត្លុងតឹនទ្រីវ។ ប្រការនេះ មានអត្ថន័យសំខាន់ក្នុងការអភិវឌ្ឍន៍តម្លៃពាណិជ្ជសញ្ញាក្រូចត្លុងតឹនទ្រីវ រួមចំណែកលើកកម្ពស់តម្លៃប្រជែង ឲ្យប្រភេទកសិផលនេះ នៅលើទីផ្សារក្នុងនិងក្រៅប្រទេស។
ក្រៅពីនេះ សហករណ៍កសិកម្ម-សេវាកម្មតឹនទ្រីវ បានបង្កើតឡើងដើម្បីណែនាំបងប្អូនកសិករ អនុវត្តវិទ្យាសាស្រ្ត-បច្ចេកទេសជំនាញខាងដំណាំក្រូចត្លុង ដើម្បីផ្លែក្រូចចេញបានស្មើ បរមាណផលច្រើន និងមានរសជាតិពិសេស។ ផលិតផលក្រូចត្លុងតឹនទ្រីវ បានផលិតទៅតាមស្តង់ដា Gap ដើម្បីផ្គត់ផ្គង់ ស្ថេរភាព រឹងមាំនូវមរិមាណផលផ្លែឈើនេះ។
 ក្រូចត្លុងតឹនទ្រីវសព្វថ្ងៃជាផ្លែឈើពិសេសល្បីឈ្មោះនៅក្នុងតំបន់ណាមបូ។  ពូជក្រូចត្លុងទាំងពីរប្រភេទ គឺក្រូចត្លុងស្លឹកលឿងនិងក្រូចត្លុងក្បាលលយ សមស្របជាមួយដីធ្លីនៃតំបន់កោះតឹនទ្រីវ។  ប្រព័ន្ធស្រោចទឹកស្វ័យប្រវត្តិ ជួយគ្រួសារកាត់បន្ថយបានប្រាក់ចំណាយជួលកម្មករ ក្នុងដំណើរការថែទាំដើមក្រូចត្លុង។  ប្រជាកសិករប្រមូលផលក្រូចត្លុងតឹនទ្រីវ។  ដោយសារអនុវត្តតាមវិទ្យាសាស្រ្តបច្ចេកទេសក្នុងការថែទាំ ទើបពូជក្រូចត្លុងតឹនទ្រីវចេញផ្លែសុះមែក។  បិទតែមការពារពាណិជ្ជសញ្ញា ឲ្យក្រូចត្លុងតឹនទ្រីវ។  ក្រូចត្លុងតឹនទ្រីវ បច្ចុប្បន្នជាពាណិជ្ជសញ្ញាល្បីឈ្មោះទាំងក្នុងនិងក្រៅប្រទេស។  ផលិតផលក្រូចត្លុងតឹនទ្រីវ បានផលិតតាមស្តង់ដា Gap។  ក្រូចត្លុងតឹនទ្រីវមានកំពឹសផ្អែម សម្បកស្តើង និងមានទឹកដម។  ភ្ញៀវទេសចរណ៍មកទស្សនាចំការក្រូចត្លុងតឹនទ្រីវ។  ដាក់ទម្រង់រូបភាពក្រូចត្លុងតឹនទ្រីវ នៅស្រុកវិញគឺវ ជាមធ្យោបាយផ្សាយពាណិជ្ជកម្មទាក់ទាញភ្ញៀវទេសចរណ៍មកទស្សនានូវចំការដំណាំក្រូចត្លុងនេះ។ |
សព្វថ្ងៃ តឹនទ្រីវមានផ្ទៃដីដាំដំណាំក្រូចត្លុងជាង៤០០ហិកតា ចម្បងជាពូជក្រូចត្លុងស្លឹកលឿង ក្រូចត្លុងសាច់ក្រហម ក្រូចត្លុងសម្បកខៀវសាច់ពណ៌ផ្កាឈូក ក្រូចត្លុងខ្ទឹម ក្រូចត្លុងសម្បករលីង។ល។ តម្លៃក្រូចត្លុងតឹនទ្រីវប្រែប្រួលតាមឆ្នាំ មធ្យមតម្លៃក្រូចត្លុងស្លឹកលឿង ក្រូចត្លុងខ្ទឹម លក់នៅនឹងចំការក្រូច មានតម្លៃប្រហែលពី២៨០-៣០០ពាន់ដុងក្នុង១២ផ្លែ។ ជាពិសេស នៅរដូវបុណ្យចូលឆ្នាំថ្មីវៀតណាម តម្លៃអាចឡើងដល់ពី១ដល់១,២លានដុងក្នុង១២ផ្លែ។ ក្រូចត្លុងតឹនទ្រីវមានត្រឹមតែលក់នៅគ្រប់ទីកន្លែងក្នុងខេត្តក្រុងទូទាំងប្រទេស នៅបាននាំចូលចេញទៅកាន់ ប្រទេសនៅទ្វីបអឺរ៉ុបដូចជា៖ ហូឡង់ អាល្លីម៉ង់ជាដើម។
|
ខេត្តដុងណាយមានផែនការអភិវឌ្ឍន៍ដាំពូជក្រូចត្លុងតឹនទ្រីវ នៅតំបន់ដីផ្សេងៗ ដែលមានដីធ្លីសមស្របដូច៖ ឃុំប៊ិញហ្វា ឃុំតឹនប៊ិញ ឃុំប៊ិញឡើយ ឃុំថៀនតឹន ឃុំតឹនអាន ចំណុះស្រុកវិញគឺវមានផ្ទៃដីឡើងដល់រាប់ពាន់ហិកតា។ |
ក្រៅពីការនាំមកនូវប្រសិទ្ធភាពសេដ្ឋកិច្ចខ្ពស់ ក្រូចត្លុងតឹនទ្រីវនៅលើកម្ពស់ បានសក្តានុភាពទេសចរណ៍ ទទួលភ្ញៀវទេសចរណ៍រាប់ពាន់លើកមកទស្សនាជារៀងរាល់ឆ្នាំ និងពិសានូវមុខម្ហូបពិសេសដែលបានច្នៃពីផ្លែក្រូចត្លុងដូចជា៖ ញាំក្រូចត្លុង ស្រាក្រូចត្លុង បង្អែមក្រូចត្លុង ទឹកក្រូចត្លុងច្របាច់ មាន់អាំងផ្លែក្រូច។ល។
មកដល់កោះតឹនទ្រីវ ភ្ញៀវទេសចរណ៍នឹងបានសម្រាកលំហែកាយ ក្នុងមណ្ឌលទេសចរណ៍អាកូឡូស៊ី ភូមិក្រូចត្លុងតឹនទ្រីវរបស់លោកតាណាំមហ្វេ អ្នកនាំមុខខាងទម្រង់រូបភាពទេសចរណ៍ភូមិតឹនទ្រីវ។ លោកតាណាំមហ្វេនឹងឧទ្ទេសនាមពីម្ហូបអាហារដែលមានរសជាតិក្រូច ដើម្បីភ្ញៀវទេសចរណ៍អាចពិសាក្រេបយកនូវរសជាតិដ៏ផ្អែមត្រជាក់នៃក្រូចជនបទនេះ។
ឆ្ងាញ់និងពិសេសបំផុត នៅកោះតឹនទ្រីវត្រូវរំលឹកដល់ម្ហូបញាំក្រូច។ ក្រៅពីគ្រឿងផ្សំសំខាន់គឺកំពឹសក្រូច ញាំក្រូចនៅមានសណ្តែកដី ល្ងលីង បង្គាស្ងោរ សាច់ជ្រូកបីស្រទាប់ ក្រអៅឈូក ការូតហាន់បន្ទះល្អិត។ល។ ញាំក្រូចច្រើនហូបជាមួយនំក្រៀបឬនំក្រៀបល្ងជ្រលក់ នឹងទឹកត្រីហឹរយ៉ាងឆ្ងាញ់។
ក្រោមចំការមានម្លប់ដ៏ត្រជាក់ និងផ្លែក្រូចទាំងកញ្ចុំៗទីងទោងនៅពីលើក្បាល ក្បែរមាត់ទឹក គួបផ្សំធាតុអាកាសខ្យល់ត្រជាក់ ថែមទាំងបានពិសាញាំក្រូចពិតជា ការពិសោធន៍មួយមិនអាចបំភ្លេចបាន ចំពោះភ្ញៀវទេសចរណ៍ម្នាក់ៗពេលមកលេងនៅកោះតឹនទ្រីវ៕
អត្ថបទ៖ ង្វៀនវូថាញដាត រូបថត៖ ថុងហាយ
