ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ແລະ ທ່ານ Kunio Umeda ເອກອັກຄະລັດຖະທູດ ຍີ່ປຸ່ນ ປະຈໍາ ຫວຽດນາມ (ພາບ: VGP)

ທີ່ການຕ້ອນຮັບ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ສະແດງຄວາມຂອບອົກຂອບໃຈທ່ານນາຍົກລັດຖະມົນຕີຍີ່ປຸ່ນ Shinzo Abe ທີ່ໄດ້ເຊື້ອເຊີນທ່ານເຂົ້າຮ່ວມກອງປະຊຸມສຸດຍອດ G20 ແລະ ຢ້ຽມຢາມ ຍີ່ປຸ່ນ ໃນທ້າຍເດືອນ ມິຖຸນາ ນີ້. ທ່ານນາຍົກລັດຖະມົນຕີ ຫງວຽນຊວັນຟຸກ ປາດຖະໜາວ່າ ທ່ານເອກອັກຄະລັດຖະທູດວ່າ ສົມທົບກັບຝ່າຍຫວຽດນາມ ໃຫ້ເປັນຢ່າງດີ ເພື່ອໃຫ້ການຢ້ຽມຢາມ ຍີ່ປຸ່ນ ຂອງ ທ່ານນາຍົກລັດຖະມົນຕີ ບັນລຸໝາກຜົນດີທີ່ສຸດ, ຜ່ານນັ້ນ, ນໍາການຮ່ວມມືລະຫວ່່າງສອງປະເທດຂຶ້ນສູ່ລະດັບສູງໃໝ່ໃນທຸກຂົງເຂດ,ໃນນັ້ນມີດ້ານເສດຖະກິດ, ການຄ້າ ແລະ ການລົງທຶນ.

        ທ່ານ Kunio Umeda ເອກອັກຄະລັດຖະທູດ ຍີ່ປຸ່ນ ປະຈໍາ ຫວຽດນາມ ໃຫ້ຮູ້ວ່່າ ບັນດາວິສາຫະກິດ ຍີ່ປຸ່ນ ປາດຖະໜາ ຢາກເປີດກວ້າງການລົງທຶນຢູ່ ຫວຽດນາມ, ເຊິ່ງເປັນປະເທດທີ່ມີຄວາມສາມາດບົ່ມຊ້ອນພັດທະນາຫຼາຍຢ່າງ ແລະ ຍາມໃດກໍສ້າງເງື່ອນໄຂສະດວກໃຫ້ບັນດານັກລົງທຶນ. ທ່ານເອກອັກຄະລັດຖະທູດ ກໍສະເໜີບາງບັນຫາລະອຽດ ຄວນໄດ້ຮັບການແກ້ໄຂໃນການຮ່ວມມືລະຫວ່າງສອງປະເທດ ສໍາລັບບັນດາຂົງເຂດຄື ການສຶກສາບໍາລຸງກໍ່ສ້າງ, ການລົງທຶນ ແລະ ການຄ້າ.

ແລະ ກໍໃນວັນດຽວກັນ, ຢູ່ສໍານັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານ Yasutsugu Iwamura, ຜູ້ອໍານວຍການບໍລິຫານກຸ່ມບໍລິສັດ AEON ຂອງຍີ່ປຸ່ນ ທັງເປັນຜູ້ອໍານວຍການໃຫຍ່ AEON MALL ຫວຽດນາມ. ໜ້າທີ່ນີ້, ທ່ານນາຍົກລັດຖະມົນຕີ ຫງວຽນຊວັນຟຸກ ຕີລາຄາສູງການເຄື່ອນໄຫວຂອງບໍລິສັດ AEON ຢູ່ຫວຽດນາມ; ພ້ອມທັງປາດຖະໜາຢາກໃຫ້ກຸ່ມບໍລິສັດສືບຕໍ່ລົງທຶນຢ່າງແຮງຢູ່ຫວຽດນາມ ແລະ ຈໍາໜ່າຍຜະລິດຕະພັນຂອງຫວຽດນາມ ໃຫ້ຫຼາຍກວ່າອີກ.

        ຜູ້ອໍານວຍການຝ່າຍບໍລິຫານ AEON ໃຫ້ຮູ້ວ່າ ທາງກຸ່ມບໍລິສັດຈະເພີ່ມວົງເງິນນໍາເຂົ້າສິນຄ້າຈາກຫວຽດນາມ ຂຶ້ນທົບສອງເທົ່າ ເປັນ 500 ລ້ານ USD ໃນປີ 2020 ໃນສະພາບການທີ່ຫວຽດນາມ ມີຄວາມບົ່ມຊ້ອນກາຍເປັນປະເທດສະໜອງສະບຽງອາຫານທີ່ມີຄຸນນະພາບໃຫ້ຜູ້ບໍລິໂພກອຸປະໂພກ ຍີ່ປຸ່ນ.

(ແຫຼ່ງຄັດຈາກ VOV)