ຂ່າວສານ

ໜັງສືພິມເຢຍລະມັນຍ້ອງຍໍຊົມເຊີຍຍຸດທະສາດປ້ອງກັນ, ສະກັດກັ້ນໂລກລະບາດCovid– 19 ຢ່າງມີປະສິດທິຜົນຂອງຫວຽດນາມ

03/04/2020

ໜັງສືພິມFrankfurter AllgemeineZeitung (FAZ) ຂອງເຢຍລະມັນສະບັບອອກວັນທີ 2 ເມສາໄດ້ມີບົດຂຽນກ່ຽວກັບຍຸດທະສາດປ້ອງກັນ, ສະກັດກັ້ນໄວຣັດ SARS –CoV– 2 ຢ່າງມີປະສິດທິຜົນຂອງຫວຽດນາມ.

ບົດຂຽນໄດ້ເຕື້ອງເຖິງບັນດາມາດຕະການປ້ອງກັນ, ສະກັດກັ້ນໂລກລະບາດຂອງຫວຽດນາມເລີ່ມແຕ່ທຳອິດຈົນເຖິງປັດຈຸບັດຄື: ການແຍກຕົວແລະປິ່ນປົວຈົນຫາຍດີເປັນປົກກະຕິໃຫ້ແກ່ຄົນເຈັບ 16 ຄົນ, ຮຽກຮ້ອງໃຫ້ປະຊາຊົນໃສ່ຜ້າອັດປາກ - ອັດດັງ…ແລະຫຼ້າສຸດແມ່ນເລື່ອງທ່ານນາຍົກລັດຖະມົນຕີຫວຽດນາມຫງວຽນຊວັນຟຸກໄດ້ຮຽກຮ້ອງໃຫ້ແຍກຕົວທົ່ວສັງຄົມເປັນເວລາ 15 ວັນ.
ບົດຂຽນໄດ້ຊີ້ແຈ້ງວ່າໜຶ່ງໃນບັນດາເຫດຜົນທີ່ມີຄວາມສຳເລັດຈົນມາຮອດປັດຈຸບັນຂອງຫວຽດນາມ ໃນວຽກງານປ້ອງກັນ, ສະກັດກັ້ນໂລກລະບາດແມ່ນການລະດົມກຳລັງແຮງຂອງປະຊາຊົນຜ່ານບັນດາບັ້ນຮົບມະຫາຊົນ, ຜ່ານຂໍ້ຄວາມແລະການໂຄສະນາເຜີຍແຜ່…ນອກຈາກນັ້ນ, ກົດໝາຍຫວຽດນາມກໍ່ອະນຸຍາດໃຫ້ລະດົມກຳລັງພະນັກງານການແພດແລະກອງທັບເຂົ້າຮ່ວມການປ້ອງກັນ, ສະກັດກັ້ນໂລກລະບາດຢ່າງວ່ອງໄວ. ບັນດາແພດໝໍແລະພະຍາບານໄດ້ສຸດອົກສຸດໃຈກັບວຽກງານ, ໃນຂະນະນັ້ນບັນດາອ້າຍນ້ອງທະຫານກໍ່ໄດ້ສະຫຼະບ່ອນທີ່ຕົນເອງດຳລົງຊີວິດ ເພື່ອເປັນບ່ອນແຍກຕົວ.

(ແຫຼ່ງຄັດຈາກ VOV)

ສະພາສູງ ອາເມລິກາ ຮັບຮອງເອົານະໂຍບາຍພົວພັນພາຍໃນປະເທດແບບຮອບດ້ານຂອງທ່ານປະທານາທິບໍດີ Donald Trump

03/07/2025
ຂ່າວສານ

ວັນທີ 1 ກໍລະກົດ, ຢູ່ ວໍຊິງຕັນ, ສະພາສູງ ອາເມລິກາ ໂດຍພັກສາທາລະນະຄວບຄຸມໄດ້ຮັບຮອງເອົານະໂຍບາຍພົວພັນພາຍໃນປະເທດຢ່າງຮອບດ້ານຂອງທ່ານປະທານາທິບໍດີ Donald Trump ດ້ວຍອັດຕາບັດສະໜັບສະໜູນ 51 ບັດ ແລະ ບັດຄ້ານ 50 ບັດ.