ຂ່າວສານ

ໄຂກອງປະຊຸມຜູ້ບັນຊາການທະຫານບົກບັນດາປະເທດ ອາຊຽນ ຄັ້ງທີ 21

24/11/2020

ຕອນເຊົ້າວັນທີ 24 ພະຈິກ, ກອງປະຊຸມຜູ້ບັນຊາການທະຫານບົກບັນດາປະເທດອາຊຽນ ຄັ້ງທີ 21 (ACAMM-21) ໄດ້ຈັດຕັ້ງຕາມຮູບການອອນລາຍ. ພາຍຫລັງພິທີໄຂ, ບັນດາຜູ້ແທນໃນກອງປະຊຸມໄດ້ປຶກສາຫາລືຕາມຫົວຂໍ້ “ຄວາມສະໜິດຕິດພັນ ແລະ ເປັນເຈົ້າການຮັບມືຂອງກອງທັບບັນດາປະເທດ ອາຊຽນ ແນໃສ່ແກ້ໄຂບັນດາສິ່ງທ້າທາຍຕໍ່ຄວາມໝັ້ນຄົງພາກພື້ນໃນເງື່ອນໄຂປົກກະຕິໃໝ່ ຍ້ອນໂລກລະບາດໂຄວິດ-19”.

ທີ່ກອງປະຊຸມ (ພາບ: TTXVN)

ກ່າວຄຳເຫັນນະທີ່ນີ້, ທ່ານພົນຕີ ຫງວຽນວັນເຫງຍ, ຮອງເສນາທິການໃຫຍ່ກອງທັບປະຊາຊົນ ຫວຽດນາມ ໄດ້ແບ່ງປັນບົດຮຽນການຮັບມືກັບໂລກລະບາດໂຄວິດ-19 ແລະ ໄພພິບັດທຳມະຊາດໃນໄລຍະຜ່ານມາຂອງກອງທັບປະຊາຊົນ ຫວຽດນາມ; ທ່ານເຊື່ອໝັ້ນວ່າ ດ້ວຍຈິດໃຈສະໜິດຕິດພັນ ແລະ ເປັນເຈົ້າການຮັບມື, ກຳລັງທະຫານບົກບັນດາປະເທດອາຊຽນ ຈະສືບຕໍ່ສາມັກຄີ, ແບ່ງປັນບົດຮຽນ ແລະ ສະໜັບສະໜູນເຊິ່ງກັນ ແລະ ກັນ, ຊອກຫາບັນດາຂໍ້ລິເລີ່ມ ເພື່ອຊຸກຍູ້ການຮ່ວມມື, ຮັບມືກັບບັນດາສິ່ງທ້າທາຍຕໍ່ຄວາມໝັ້ນຄົງລວມທີ່ພວມປະກົດຂຶ້ນຢ່າງມີປະສິດທິຜົນ ເພື່ອສັນຕິພາບ ແລະ ວັດທະນາຖາວອນຂອງພາກພື້ນ.

ແລະກໍ່ໃນກອງປະຊຸມດັ່ງກ່າວ ກໍ່ດຳເນີນພິທີມອບຮັບຕຳແໜ່ງປະທານ ACAMM ໃຫ້ ມຽນມາ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.