ຂ່າວສານ

ແຂວງດ້ຽນບຽນ: ເຮັດລະບຽບການໃຫ້ແກ່ນັກສຶກສາລາວ ເຂົ້າເມືອງ ຫວຽດນາມ ຜ່ານດ່ານຊາຍແດນສາກົນ ໄຕຈາງ

18/06/2020

ເພື່ອແນໃສ່ສ້າງເງື່ອນໄຂສະດວກໃຫ້ແກ່ນັກສຶກສາລາວ ແລະ ກຳປູເຈຍກັບມາ ຮຽນຢູ່ຫວຽດນາມ, ໃນລະຫວ່າງ ວັນທີ 17 – 18 ມິຖຸນາ, ຢູ່ດ່ານຊາຍແດນໄຕຈາງ, ທະຫານຊາຍແດນແຂວງດ້ຽນບຽນໄດ້ຈັດຕັ້ງການເຮັດລະບຽບການເຂົ້າເມືອງໃຫ້ແກ່ນັກສຶກສາລາວ ແລະ ຫວຽດນາມ.

ນັກສຶກສາລາວຢູ່ດ່ານຊາຍແດນໄຕຈາງ

ຍອດຈຳນວນນັກສຶກສາລາວເຂົ້າເມືອງຫວຽດນາມໃນຄັ້ງນີ້ແມ່ນຫຼາຍກ່ວາ 1000 ຄົນ, ພາຍຫຼັງມາຮອດເຂດດ່ານຊາຍແດນຂອງຫວຽດນາມ, ບັນດານັກສຶກສາດັ່ງກ່າວຈະໄດ້ຮັບການ ກວດສຸຂະພາບ, ວັດແທກອູນຫະພູມຮ່າງກາຍ, ແຈ້ງອາການສຸຂະພາບ, ຈັດປະເພດ ແລະ ແນະນຳປະຕິບັດລະບຽບການເຂົ້າເມືອງຈາກທະຫານຊາຍແດນແຂວງດ້ຽນບຽນ ແລະ ພະນັກງານສູນຄວບຄຸມໂລກລະບາດແຂວງ.

ບັນດານັກສຶກສາຈະໄດ້ປະຕິບັດການແຍກຕົວ ຢູ່ບັນດາສະຖານທີ່ແຍກຕົວຕາມຂໍ້ກຳນົດ ແລະ ປະຕິບັດຕາມການຊີ້ນຳຂອງນາຍົກລັດຖະມົນຕີກ່ຽວກັບການປ້ອງກັນ, ສະກັດກັ້ນໂລກລະບາດ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.