(ພາບປະກອບ)
ວັນທີ 28/03 ກົມໃຫຍ່ທ່ອງທ່ຽວ ຫວຽດນາມ (ກະຊວງວັດທະນະທຳ, ກິລາ ແລະ ທ່ອງທ່ຽວ) ໃຫ້ຮູ້ວ່າ: ແຂກທ່ອງທ່ຽວສາກົນມາຢ້ຽມຢາມ ຫວຽດນາມ ໃນ 3 ເດືອນຕົ້ນປີ 2017 ບັນລຸກ່ວາ 3,2 ລ້ານເທື່ອຄົນ ເພີ່ມຂຶ້ນ 29% ເມື່ອທຽບໃສໄລຍະດຽວກັນປີ 2016. ນີ້ແມ່ນໝາກຜົນທີ່ດີ, ຮັບຮູ້ຄວາມມານະພະຍາຍາມຂອງຂະແໜງການທ່ອງທ່ຽວ ຫວຽດນາມ ໃນຊຸມເດືອນຕົ້ນປີ 2017, ສ້າງປະຖົມປັດໃຈ ເພື່ອປະຕິບັດຄາດໝາຍຕ້ອນຮັບແຂກທ່ອງທ່ຽວສາກົນໃຫ້ໄດ້ 11,5 ເທື່ອຄົນ, ຮັບໃຊ້ແຂກທ່ອງທ່ຽວພາຍໃນປະເທດ 66 ລ້ານເທື່ອຄົນ, ຍອດລາຍຮັບຈາກແຂກທ່ອງທ່ຽວໃຫ້ບັນລຸ 460.000 ຕື້ດົ່ງ. ນັບແຕ່ຕົ້ນປີ 2017, ຂະແໜງທ່ອງທ່ຽວ ຫວຽດນາມ ໄດ້ຕັ້ງໜ້າເຂົ້າຮ່ວມບັນດາການເຄື່ອນໄຫວໂຄສະນາເຜີຍແຜ່, ສົ່ງເສີມ, ຮ່ວມມືການທ່ອງທ່ຽວຢູ່ຕ່າງປະເທດ. ໃນນັ້ນ ຫວຽດນາມ ໄດ້ເຂົ້າຮ່ວມປີຮ່ວມມືການທ່ອງທ່ຽວ ອາຊຽນ - ຈີນ 2017 ເຊິ່ງດຳເນີນຢູ່ປະເທດ ຟີລີບຟິນ (ແຕ່ວັນທີ 15 – 17/03). ເຫດການໄດ້ປະກອບສ່ວນຊຸກຍູ້ແລກປ່ຽນແຂກທ່ອງທ່ຽວຢູ່ 2 ສົ້ນ ແລະ ພົບປະແລກປ່ຽນປະຊາຊົນລະຫວ່າງ 2 ຝ່າຍ. ແລະກໍ່ໃນເດືອນ 3/2017, ຂະແໜງທ່ອງທ່ຽວ ຫວຽດນາມ ເຂົ້າຮ່ວມງານຕະຫລາດນັດສາກົນ MITT - ເຊິ່ງແມ່ນໜຶ່ງໃນ 5 ງານຕະຫລາດນັດທ່ອງທ່ຽວໃຫຍ່ສຸດໃນໂລກຢູ່ ມົດສະກູ (ສະຫະພັນ ລັດເຊຍ).
(ແຫຼ່ງຄັດຈາກ VOV)
