ທີ່ການຕ້ອນຮັບ, ທ່ານລັດຖະມົນຕີ ຫງວຽນກິມເຊີນ ໃຫ້ຮູ້ວ່າ ໃນຊຸມປີຜ່ານມາ, ທະນາຄານໂລກໄດ້ໃຫ້ການໜູນຊ່ວຍກະຊວງສຶກສາ ແລະ ບຳລຸງສ້າງ ຫວຽດນາມ ໃນການປ່ຽນແປງໃໝ່ລະບົບການສຶກສາສາມັນ, ສ້າງໂຮງຮຽນແບບໃໝ່ຢູ່ ຫວຽດນາມ ແລະ ພັດທະນານະໂຍບາຍການສຶກສາ. ທ່ານລັດຖະມົນຕີ ຫງວຽນກິມເຊີນ ຫວັງວ່າ ໃນໄລຍະຈະມາເຖິງ, ທະນາຄານໂລກ ຈະສືບຕໍ່ໃຫ້ບຸລິມະສິດໜູນຊ່ວຍ ຫວຽດນາມ ໃນການພັດທະນາລະບົບໂຮງຮຽນ, ຫ້ອງຮຽນໃຫ້ແກ່ການສຶກສາສາມັນ ແລະ ບັນດາຮາກຖານບຳລຸງສ້າງໃຫ້ຄົບຊຸດ ແລະ ມີຄຸນນະພາບ; ພ້ອມທັງມີຄວາມເອົາໃຈໃສ່ເຖິງການໜູນຊ່ວຍແຫຼ່ງຊັບພະຍາກອນມະນຸດເພື່ອຊ່ວຍ ຫວຽດນາມ ພັດທະນາກຳລັງຄວາມສາມາດໃຫ້ແກ່ຖັນແຖວຄູອາຈານ, ຈາກນັ້ນ ຍົກສູງຄຸນນະພາບການສຶກສາ ແລະ ບຳລຸງສ້າງ.
ກໍ່ໃນວັນດຽວກັນ, ທ່ານລັດຖະມົນຕີ ຫງວຽນກິມເຊີນ ກໍໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ອັງກິດ ປະຈຳ ຫວຽດນາມ Gareth Ward ເຊັ່ນດຽວກັນ.
(ແຫຼ່ງຄັດຈາກ VOV)
