ພິທີລົງນາມສັນຍາ 2 ສະບັບ ລະຫວ່າງສອງປະເທດ (ພາບ: BNEWS/TTXVN)
ວັນທີ 31 ມີນາ, ຢູ່ນະຄອນຫຼວງຮ່າໂນ້ຍ, ຄະນະຄຸ້ມຄອງໂຄງການໄຟຟ້າ 2 ໄດ້ລົງນາມໃນສັນຍາ “ສະໜອງອຸປະກອນ,ດຳເນີນການກໍ່ສ້າງຕິດຕັ້ງ ແລະ ທົດລອງດັດແປງ ອຸປະກອນໂຄງການສູນຕັດໄຟຟ້າ 220kV ເບິ່ອີ່ ແລະ ສາຍສົ່ງ 220 kV ເຊື່ອມຕໍ່ຈາກກຸ່ມເຂື່ອນໄຟຟ້ານ້ຳກົງ 1; 2, 3 (ລາວ) ເຂົ້າໃນລະບົບໄຟຟ້າຂອງຫວຽດນາມ” ແລະ ສັນຍາ “ອອກແບບ, ສະໜອງສິນຄ້າ ແລະ ກໍ່ສ້າງຕິດຕັ້ງ (EPC) ໂຄງການສູນຕັດໄຟຟ້າ 220 kV ດາກຕາອອກ ແລະ ສາຍສົ່ງ 220 kV ເຊື່ອມຕໍ່ຈາກເຂື່ອນໄຟຟ້ານ້ຳອີມູ່ນ (ລາວ) ເຂົ້າໃນລະບົບໄຟຟ້າຫວຽດນາມ”.
ບັນດາໂຄງການທີ່ກ່າວມາຂ້າງເທິງນີ້ໄດ້ລົງທຶນກໍ່ສ້າງດ້ວຍເປົ້າໝາຍປະຕິບັດຄຳໝັ້ນສັນຍາຂອງສອງຝ່າຍ ກ່ຽວກັບການພົວພັນຮ່ວມມືລະຫວ່າງລັດຖະບານ ສ.ສ ຫວຽດນາມ ແລະ ສປປ ລາວ ໃນຂົງເຂດພັດທະນາພະລັງງານ; ການນຳເຂົ້າໄຟຟ້າຈາກບັນດາເຂື່ອນໄຟຟ້ານ້ຳກົງ 1, 2, 3 ແລະ ເຂື່ອນໄຟຟ້ານ້ຳອີມູ່ນ (ລາວ) ມາ ຫວຽດນາມ.
