ຂ່າວສານ

ເງິນລົງທຶນຈາກຕ່າງປະເທດເຂົ້າຫວຽດນາມສືບຕໍ່ເພີ່ມຂຶ້ນ

14/05/2020

ຕາມກົມສະຖິຕິ ຫວຽດນາມ ແລ້ວ, 4 ເດືອນຕົ້ນປີ, ທົ່ວປະເທດມີ ນັກລົງທຶນຕ່າງປະເທດມາປະກອບທຶນ, ຊື້ຫຸ້ນ 2523 ຄັ້ງ ດ້ວຍຍອດມູນຄ່າປະກອບທຶນແມ່ນເກືອບ 2 ຕື້ USD, ເພີ່ມຂຶ້ນ 52,6%ເມື່ອທຽບໃສ່ໄລຍະດຽວກັນຂອງປີ 2019. ບັນດາການເຄື່ອນໄຫວ M&A (ຊື້ຂາຍ ແລະ ໂຮມເຂົ້າກັນ) ນັບມື້ນັບຟົດຟື້ນຂຶ້ນຢູ່ ຫວຽດນາມ.

ພະນັກງານບໍລິສັດ Samsung (ພາບ: Reuters)

ໄລ່ຮອດໝົດເດືອນເມສາປີ 2020, ຍອດເງິນລົງທຶນຈາກຕ່າງປະເທດ (FDI) ເຂົ້າ ຫວຽດນາມ ໄດ້ເພີ່ມຂຶ້ນ 12,3 ຕື້ USD. ສິງກະໂປຢືນຢູ່ອັນດັບທີໜຶ່ງ ດ້ວຍເງິນລົງທຶນເກືອບ 4,3 ຕຶ້ື້ USD, ກວມເອົາ 62,9%, ຖັດຈາກນັ້ນແມ່ນ: ໄຕ້ຫວັນ (ຈີນ), ຈີນ, ສ.ເກົາຫຼີ, ຍີ່ປຸ່ນ, ບັນດາປະເທດອື່ນຢູ່ອາຊຽນ, ເອີລົບ ແລະ ອາເມລິກາ.

ເຖິງວ່າ ໂລກລະບາດ Covid – 19 ພວມກໍ່ຜົນສະທ້ອນໄປທົ່ວທຸກແທບຖິ່ນໃນໂລກກໍ່ຕາມ ແຕ່ຫວຽດນາມຍັງແມ່ນສະຖານທີ່ໄດ້ຮັບຄວາມສົນໃຈຂອງບັນດາວິສາຫະກິດ FDI.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.