ຂ່າວສານ

ອາເມລິກາ ປະກາດຈຸດເວລາເຊັນຂໍ້ຕົກລົງຟື້ນຟູບັນດາຖ້ຽວບິນໄປຍັງ ກູບາ

14/02/2016

ເຮືອບິນຂອງທ່ານ John Kerry ຢູ່ສະໜາມບິນ Havana (Cuba)
(ພາບ: AP)

ອາເມລິກາ ແລະ ກູບາ ຈະເຊັນຂໍ້ຕົກລົງ 2 ຝ່າຍສະບັບໜຶ່ງໃນວັນທີ 16/02 ຈະມາເຖິງ ເພື່ອແນໃສ່ຟື້ນຟູບັນດາຖ້ຽວບິນການຄ້າລະຫວ່າງ 2 ປະເທດ ພາຍຫລັງຖືກຕັດຕອນເປັນເວລາເຄິ່ງສະຕະວັດ. ແຈ້ງການຂອງກະຊວງການຕ່າງປະເທດ ອາເມລິກາ ໃນວັນທີ 12/02 ຊີ້ແຈ້ງວ່າ “ໃນຂະນະທີ່ກົດໝາຍ ອາເມລິກາ ຫ້າມການທ່ອງທ່ຽວເຖິງ ກູບາ ນັ້ນ, ຂໍ້ຕົກລົງດັ່ງກ່າວ ຈະສ້າງເງື່ອນໄຂສະດວກໃຫ້ບັນດາການເຄື່ອນໄຫວທ່ອງທ່ຽວທີ່ໄດ້ຮັບການອະນຸຍາດ, ຜ່ານນັ້ນ ເປີດກ້ວາງບັນດາການເລືອກເຟັ້ນໃຫ້ນັກທ່ອງທ່ຽວ ແລະ ເພີ່ມທະວີການຮ່ວມສຳພັນລະຫວ່າງປະຊາຊົນ 2 ປະເທດ”. ບັນດາບໍລິສັດການບິນ 2 ປະເທດ ສາມາດເຊັນຂໍ້ຕົກລົງໃນບັນດາຂົງເຂດຄື: ແບ່ງປັນກົດລັບ ແລະ ໃຫ້ເຊົ່າເຮືອບິນ.
ຄາດຄະເນວ່າ: ທ່ານລັດຖະມົນຕີວ່າການກະຊວງຄົມມະນາຄົມ ອາເມລິກາ Anthony Foxx ແລະ ຜູ້ຊ່ວຍວຽກໃຫ້ລັດຖະມົນຕີວ່າການກະຊວງການຕ່າງປະເທດ ອາເມລິກາ Charles Rivkin ຈະໄປນະຄອນຫລວງ La Habana ຂອງ ກູບາ ເພື່ອເຂົ້າຮ່ວມພິທີລົງນາມ.

(ແຫຼ່ງຄັດຈາກ VOV)

ທ່ານເລຂາທິການໃຫຍ່ ໂຕເລິມ ເຂົ້າຮ່ວມງານສະແດງສິລະປະ “ຈົດຈຳຄຳສັ່ງສອນຂອງປະທານ ໂຮ່ຈີມິນ - ສຽງທະຫານເຄື່ອນທັບດັງກ້ອງ”

04/07/2025
ຂ່າວສານ

ບັນດາຜູ້ແທນໄດ້ຮັບຊົມບັນດາຮູບພາບກ່ຽວກັບຜົນງານທີ່ພົ້ນເດັ່ນໃນໄລຍະ 10 ປີແຫ່ງການປະຕິບັດຄຳສັ່ງເລກທີ 05 ຂອງກົມການເມືອງ ກ່ຽວກັບການຍູ້ແຮງການຮໍ່າຮຽນ ແລະ ປະຕິບັດຕາມແນວຄິດ, ຄຸນສົມບັດ, ວິຖີຊີວິດຂອງ ປະທານ ໂຮ່ຈີມິນ