ທ່ານນາຍົກລັດຖະມົນຕີ ຫງວຽນຊວັນຟຸກ ເປັນປະທານກອງປະຊຸມທາງອອນລາຍປຶກສາຫາລືກ່ຽວກັບມາຕດະການຮັບມືກັບໂລກລະບາດໂຄວິດ - 19 ຖືກດໍາເນີນໃນວັນທີ 24 ເມສາ 2020 ຢູ່ຮ່າໂນ້ຍ (ພາບ: TTXVN)
ທ່ານປະລິນຍາເອກ Munir Majid, ປະທານທະນາຄານ Muamalat ມາເລເຊຍ, ປະທານສະມາຄົມນັກທຸລະກິດ ອາຊຽນ ມາເລເຊຍ (ASEAN – BAC ມາເລເຊຍ), ປະທານສະຖາບັນຄົ້ນຄວ້າ ອາຊຽນ CIMB, ຢັ້ງຢືນວ່າ ຫວຽດນາມ ແມ່ນສະມາຊິກມີຄວາມຮັບຜິດຊອບ ແລະ ສຸດຈິດສຸດໃຈ ໃນຕະຫຼອດໄລຍະ 25 ປີ ຜ່ານມາ ນັບແຕ່ເມື່ອເຂົ້າເປັນສະມາຊິກຂອງອາຊຽນ ຢ່າງເປັນທາງການ. ຕາມທ່ານປະລິນຍາເອກ Munir Majid ແລ້ວ, ຫົວຂໍ້ຂອງປີປະທານ ອາຊຽນ 2020 “ອາຊຽນ ສະໜິດຕິດພັນ ແລະ ເປັນເຈົ້າການຮັບມື” ເຊິ່ງ ຫວຽດນາມ ໄດ້ຍົກອອກມານັ້ນ ແມ່ນສອດຄ່ອງກັບສະພາບການຢ່າງແທ້ຈິງ, ໂດຍສະເພາະແມ່ນໃນສະພາບການທີ່ໂລກກໍາລັງຮັບມືກັບໂລກລະບາດໂຄວິດ - 19. ທ່ານເນັ້ນໜັກວ່າ ດ້ວຍຖານະເປັນປະທານ ອາຊຽນ 2020, ຫວຽດນາມ ໄດ້ມີຄວາມຮັບຜິດຊອບໃນການນໍາພາ ອາຊຽນ ຜ່ານຜ່າບັນດາຄວາມຫຍຸ້ງຍາກທີ່ພວມປະເຊີນໜ້າໃນປັດຈຸບັນ ແລະ ບັນດາຜົນງານເຊິ່ງ ຫວຽດນາມ ບັນລຸໄດ້ ເປັນການພິສູດໃຫ້ເຫັນວ່າ ຫວຽດນາມ ຖືຖານະສະມາຊິກຂອງ ອາຊຽນ ເປັນສໍາຄັນ.
(ແຫຼ່ງຄັດຈາກ VOV)
