• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫຼາກຫຼາຍສີ​ສັນ​ພົ້ນ​ເດັ່ນທາງ​ດ້ານ​ວັດ​ນະ​ທະ​ນຳ​ບັນ​ດາ​ເຜົ່າ ຫວຽດ​ນາມ

ວັນທີ 19 ເມສາ ແມ່ນວັນບຸນວັດທະນະທຳບັນດາເຜົ່າ ຫວຽດນາມ. ໃນທົ່ວປະເທດ, ມີຫຼາຍການເຄື່ອນໄຫວໄດ້ຮັບການຈັດຂຶ້ນເພື່ອຕ້ອນຮັບວັນນີ້.
  ວັນບຸນວັດທະນະທຳບັນດາເຜົ່າ ຫວຽດນາມ  

ຢູ່ “ຊາຍຄາລວມ” ຂອງ 54 ຊົນເຜົ່າໃນໝູ່ບ້ານວັດທະນະທຳ - ທ່ອງທ່ຽວຂອງບັນດາເຜົ່າ ຫວຽດນາມ (ຢູ່ດົ່ງໂມ, ເຊີນໄຕ, ຮ່າໂນ້ຍ) ພວມດຳເນີນຫຼາຍການເຄື່ອນໄຫວທີ່ພົ້ນເດັ່ນເພື່ອແນໃສ່ສ້າງເຂດພົວປະແລກປ່ຽນ, ໂຄສະນາ, ແຜ່ກະຈາຍບັນດາຈຸດດີງາມຂອງບັນດາເຜົ່າໄປຍັງປະຊາຊົນ ແລະ ແຂກທ່ອງທ່ຽວ…ເລື່ອງລາວກ່ຽວກັບສີສັນວັດທະນະທຳຂອງບັນດາເຜົ່າກໍ່ຖືກເລົ່າຜ່ານບັນດາວັດຖຸພັນຄື: ເຄື່ອງດົນຕີ, ເຄື່ອງໃຊ້ໄມ້ສອຍ, ອຸປະກອນການຜະລິດ… ທີ່ໄດ້ນຳມາວາງສະແດງຢູ່ງານວາງສະແດງ “ຊຸດສະສົມວັດຖຸພັນກ່ຽວກັບວັດທະນະທຳຂອງບັນດາເຜົ່າ” ຖືກຈັດຂຶ້ນເປັນຄັ້ງທຳອິດ. ເອື້ອຍຮ່າທິແຊມ, ຊາວເຜົ່າຜູ້ໄທ ມາຈາກແຂວງແທັງຮວາ ໃຫ້ຮູ້ວ່າ:

ພວກຂ້າພະເຈົ້ານຳບັນດາເຄື່ອງມືນຳໃຊ້ໃນຊີວິດປະຈຳວັນຂອງພໍ່ແມ່ປະຊາຊົນເຜົ່າຜູ້ໄທຢູ່ຕາແສງ ອຽນທັ້ງ ມາວາງສະແດງທີ່ງານວາງສະແດງຄັ້ງນີ້. ພ້ອມກັນນັ້ນ ແມ່ນອາຫານການກິນ, ການປຸ່ງແຕ່ງບັນດາເຍື່ອງອາຫານທີ່ມີຊື່ສຽງຂອງທ້ອງຖິ່ນ. ພວກຂ້າພະເຈົ້າກໍ່ສະແດງວັນບຸນ ຈ່າມຸນຂອງພໍ່ແມ່ປະຊາຊົນເຜົ່າຜູ້ໄທ ຢູ່ຕາແສງອຽນທັ້ງ ເພື່ອພາວະນາຂໍໃຫ້ມີຄວາມຢູ່ເຢັນເປັນສຸກ, ການຜະລິດຂອງພໍ່ແມ່ປະຊາຊົນເຜົ່າຜູ້ໄທໄດ້ຮັບຜົນດີ.

 

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.

Top