ຂ່າວສານ

ຫວຽດນາມເຂົ້າຮ່ວມກອງປະຊຸມອົງການ ທ່ອງທ່ຽວແຫ່ງຊາດ ອາຊຽນ

04/02/2023

ກອງປະຊຸມ, ທ່ານຮອງຫົວໜ້າກົມໃຫຍ່ ຮ່າວັນຊຽວ ຢັ້ງຢືນວ່າ ຫວຽດນາມ ຈະຈັດຕັ້ງກອງປະຊຸມສຳມະນາລະດັບພາກພື້ນ ກ່ຽວກັບການທ່ອງທ່ຽວງານບຸນ ໃນທ້າຍປີ 2023.

ພາບປະກອບ: TTXVN

ວັນທີ 2 ກຸມພາ, ຢູ່ເຂດບໍລິຫານພິເສດ Yogyakarta, ອິນໂດເນເຊຍ, ຄະນະຜູ້ແທນ ຫວຽດນາມ ໂດຍທ່ານຮອງຫົວໜ້າກົມໃຫຍ່ການທ່ອງທ່ຽວຫວຽດນາມ ຮ່າວັນຊຽວ ນຳໜ້າ ໄດ້ເຂົ້າຮ່ວມກອງປະຊຸມອົງການການທ່ອງທ່ຽວ ແຫ່ງຊາດ (NTO) ອາຊຽນ ຄັ້ງທີ 57 - ເຊິ່ງແມ່ນກອງປະຊຸມຄັ້ງທຳອິດໃນຂອບເຂດເວທີປາໄສການທ່ອງທ່ຽວ ອາຊຽນ (ATF) 2023. ກອງປະຊຸມໄດ້ສຸມໃສ່ພິຈາລະນາບົດລາຍງານຂອງ 4 ຄະນະກຳມະການຮ່ວມມືການທ່ອງທ່ຽວ ອາຊຽນ, ພ້ອມທັງພິຈາລະນາ, ຮັບຮອງເອົາ ແລະ ສ້າງເອກະສານບາງສະບັບໃຫ້ສົມບູນແບບ, ລວມມີ: ຮ່າງມາດຖານ ແລະ ຊຸດເຄື່ອງມືໃຫ້ແກ່ອາຊີບ MICE ສະບັບສຸດທ້າຍ, ຮ່າງມາດຖານ ແລະ ຊຸດເຄື່ອງມືໃຫ້ແກ່ອາຊີບຈັດຕັ້ງເຫດການສະບັບສຸດທ້າຍ, ຮ່າງກົດລະບຽບ ອັບເດດ ການບໍລິການໂຮງແຮມ ແລະ ການທ່ອງທ່ຽວສະບັບສຸດທ້າຍ. ຢູ່ກອງປະຊຸມ, ທ່ານຮອງຫົວໜ້າກົມໃຫຍ່ ຮ່າວັນຊຽວ ຢັ້ງຢືນວ່າ ຫວຽດນາມ ຈະຈັດຕັ້ງກອງປະຊຸມສຳມະນາລະດັບພາກພື້ນ ກ່ຽວກັບການທ່ອງທ່ຽວງານບຸນ ໃນທ້າຍປີ 2023, ພ້ອມທັງຢັ້ງຢືນວ່າ ຫວຽດນາມ ຍາມໃດກໍ່ຊົມເຊີຍບັນດາຂໍ້ສະເໜີຂອງປະເທດສະມາຊິກ ອາຊຽນ ເພື່ອແນໃສ່ຊອກຮູ້, ແບ່ງປັນ, ຄົ້ນຫາຄວາມສາມາດບົ່ມຊ້ອນໃນການຮ່ວມມືໃຫ້ຫຼາຍກ່ວາອີກໃນຂົງເຂດການທ່ອງທ່ຽວງານບຸນ.

(ແຫຼ່ງຄັດຈາກ VOV)

Festival ທະເລແຄັ້ງຮ່ວາຈະດຳເນີນແຕ່ວັນທີ 17 – 19 ກໍລະກົດ

24/06/2026
ຂ່າວສານ

Festival ໄດ້ດຳເນີນແຕ່ວັນທີ 17 – 19 ກໍລະກົດ, ຢູ່ສະໜາມຫຼວງ 2 ເດືອນເມສາ, ເມືອງຍາຈາງ ແລະ ຫຼາຍທ້ອງຖິ່ນໃນບໍລິເວນແຂວງ, ດ້ວຍ 40 ກວ່າກິດຈະກຳວັດທະນະທຳ, ສິລະປະ, ກິລາ ແລະ ການທ່ອງທ່ຽວ.